هدد مرتضى منصور رئيس نادي الزمالك جمهور الفارس الابيض بمنعهم من حضور مباريات الفريق وذلك على خلفيه لقاء فلامبو البوروندي في دوري ابطال افريقيا
وقال مرتضى منصور في تصريحات تليفزيونيه ببرنامج زملكاوي عبر قناة الزمالك: “ببارك لولادنا وفي مؤتمر يوم الاحد امير هيعلن عن الصفقات، وللاسف امير مفيش معاه دكتوراه وده مزعلني”.
واضاف:” الدكتوراه دي في ناس بتبيعها في سوق الخضار والطماطم وسوق الحمير”.
وتابع مرتضى: “فيريرا قاعد قاعد قاعد على قلبكم، بقوله تتجوز واحده تانيه خاف وقالي لا، رجل قاعد وناجح وبنساعده وبتعضده، وببارك كل الجهاز الفني والطبي ولاعبينا الجداد والقدام وببارك لهم”.
وشدد:” ده تحذير اخير العيال اللي بتحضر مباريات الزمالك وقالعه وبتعطي ضهرها للملعب وبترقص مش هيحضروا تاني، هنرجع للاولتراس؟، رايح تتفرج اعطي وشك لكن تعطي مؤخرتك للملعب”.
واوضح مرتضى:” فريقي يلعب من غيركم احسن من ناس جايه ترقص، هنرجع تاني لشغل الاولتراس مش هيبقى في جمهور، انا بسعى لرياده عدد الجمهور بالطريقه دي لا، انت بتهرج انت معطي ضهرك ليه قالع هدومك وبترقص ليه؟، ممكن شويه العيال واللي بيشتموا يخلوا الجمهور ميحضرش المباريات”.
واكد:” المنظر ده لو اتكرر مفيش حد هيدخل ده مش منظر جمهور متحضر، احنا هنستهبل لما بقول كلمه هنفذها، لوشوفت المنظر ده مش هدخل جمهور”.
واكمل:” تخيل لوواحد بيكلمه ومديله ضهرك، انت قالع ليه؟ داخل تستحمى، وترقص انت في فرح، هيرجع الاولتراس همنع اللي هيضر الجمهور المحترم”.
واردف مرتضى:”فريقك عاوزك تبص له، انا بحذر اهو انا بهدد العيال دي رجعوا تاني مش بهدد الجمهور المحترم”.
واختتم:”بتواصل مع المسئولين علشان نزود العدد قالوا يرموا بياضهم، ده مش رمي بياض، احنا داخلين زي زمان هندخل في شتيمه الحكم والفريق الضيف ومدربنا، انا كلامي واضح”.
