بعد تصريحاته الأخيره .. عبد المنصف يلقن أبو جبل درساً قاسياً بعد ” غلطه مبتدئين” اليوم أمام فاركو !!
لقن محمد عبد المنصف حارس مرمى الزمالك والاتحاد السكندري السابق، محمد ابوجبل لاعب نادي البنك الأهلي، بعد خطأه الفادح في مباراة فريقه امام فاركو والذي ادى لخسارة ناديه نقطتين.
وقال عبد المنصف في تصريحات ببرنامج اللعيب عبر قناة ام بي سي مصر:”تصريحات ابوجبل قبل الماتش معجبتنيش، وقال انه الناس بتتصيد له الاخطاء انت كنت متألق مع المنتخب في بطولة افريقيا، ورجعت مستواك تراجع وانشغلت بامور اخرى”.
واضاف؛” لما ولد صغير ويغلط نقول لسه ببتعلم، لكن لما تكون حارس كبير وتغلط كده، فالعيون عليك والكل مركز معك”.
اقرأ ايضا.. حتحوت: قلق وصدمه في الزمالك بشأن الصفقة الجديدة
وشدد عبد المنصف:” كنت حابب انك تشتغل وترد في الملعب، طبيعي مستواك يتراجع، انت مش محتاج تثبت لحد انك جول كويس، مش مشكله انك سيبت الزمالك احنا في زمن احتراف”.
وتابع:” اشتغل ورد في الملعب، ولازم تهدى ووتتعامل مع كل كره كانها هي وبس، وانت جول كبير وفاركو مكنش له فرص خطيره والبنك كنت متقدم”.
واردف عبد المنصف:”مشكله ابوجبل انه تسرع في كرة ضربة الجزاء التي كانتفي نهاية الماتش، وفيها شك لكن في زقه خفيفه”.
واختتم: “ابوجبل تهور، مكنش ينفع يحط نفسه في الموقف ده وضيع نقطتين من فرقته، هو محتاج يشتغل على نفسه علشان يرجع المنتخب، والخطأ وارد والمفروض يبعد عن السوشيال ميديا وانت في نادي مش جماهيري ومفيش ضغوط كتير”.
