“خليك داعم لمرتضى رمز النادي”.. رسالة ناريه من خالد الغندور لجماهير الزمالك في بداية الموسم

حرص الإعلامي خالد الغندور، على توجيه رساله ناريه لجماهير نادي الزمالك في بداية الموسم الجديد، ودافع عن المستشار مرتضى منصور رئيس الفارس الابيض بشأن تصريحاته ضد البعض من الجمهور.

وقال خالد الغندور في تصريحات ببرنامج زملكاوي عبر قناة الزمالك:”رسالتي جمهور نادي لزمالك العظيم اللي فوق راسي من فوق، وبتقولوا ان الكابتن التاريخي وده شرف مابعده شرف”.

واضاف:” الجيل الحالي من اللاعبين بياخد ملايين، لكن محروم من القيمه الحقيقيه، وهي الجمهور الفرحه بتكون 10 اضعاف في وجود الجماهير، مستر فيريرا قال كنا سيئين في مباراة الاسماعيلي بالكاس لغياب الجمهور”.

وشدد الغندور:” الفترة اللي فاتت تابعت السوشيال ميديا، ورد فعلهم على تصريحات المستشار مرتضى، انا لامع ولاضد، احنا كلنا مع بعض والقناة داعمه لرئيس النادي والجمهور وكلنا مع بعض”.

واوضح:”المستشار مرتضى، عارف حاجات متعرفوهاش، وعارف الجمهور، وعارفين ان كان في اولتراس، وحصل موت في المدرجات وعدد من الامور”.

وواصل الغندور:” سؤال برئ بكل حب واحترام ال3000 اللي بيحضروا كلهم شباب وجمهور الزمالك بالملايين، والمستشار مرتضى بيخاطب اللي بيحضروا انا اولادي في سن الشباب الجميل اللي بيحضر للمباريات، وهم زملكاويه جدا، انا زي اب اوالاخ الاكبر، المستشار مرتضى زي الوالد وقد يكون الجد لهم، عاوزين نستمع لبعض ونستمع بالعقل وليس بالعاطفه”.

واستطرد:” سؤال برئ للشباب ما الهدف اروح الملعب واعطي ضهري هل ينفع واكلمكم بضهري؟، انت رايح تتفرج وتستمتع والاهات بتاعتك بتيجي من مشاهدتك، جبت منين فكرة انك تشجع بضهرك من غير ماتشوف الماتش؟، فاكر كابتن ميمي عبد الرازق لما اتسال عن رايه في شجعين قال بيشجعوا بضهرهم”.

وزاد:” انا كمشجع ليه اقلع هدومي واشجع بضهري ازاي بتحب الفريق وفي هجمة خطيره علينا او هدف لنا ومشوفوش، المطلوب من جمهور الزمالك العظيم اللي جزء منه بيحضر المباريات التشجيع، تذاكر مباريات بتخلص بسرعه لان المطلوب اكتر من المعروض 900 ضعف”.

واشار الغندور:” المستشار مرتضى مش عاوز منك حاجه غير تشجع اوعوا تسمعوا لحد انه ضدكم اوانا ضدكم لا انتم على راسنا من فوق، فانلة الزمالك احلى ولا وانت قالعها؟ “.

واستكمل:”المستشار مرتضى لما جاب صفقات ورفض 5 مليون دولار في بيع زيزو علشان مين؟، مش علشانكم انتم، ولما راح للمسئولين يطلب زيادة الجمهور ماهو علشانكم، اوعوا تخلوا حد يدخل بينا ويسخنكم كلنا مصلحتنا واحده وهي الزمالك انه يكون رقم واحد واحنا اسره واحده،

واختتم:” خليك داعم للمستشار مرتضى رئيس ورمز النادي وليس مرتضى المحامي وتقبل نقده لانه يبحث عن مصلحتك اللي هي مصلحة ناديك ننآي بنفسنا عن اي امور، ونكون كلنا مجلس ادارة وجمهور ولاعبين واجهزه فنيه ولاعبين قدامى ايد واحده، لما حد يقولك مصطفى شلبي اهلاوي قوله ملكش دعوة اناقابل”.