“شوفوا ياسر إبراهيم و رمضان صبحي والسعيد”.. تعليق قوي من خالد الغندور على أحاديث رغبة مصطفى شلبي

علق الإعلامي خالد الغندور، على احاديث البعض عن رغبة مصطفى شلبي المنضم حديثا للزمالك في الانتقال للأهلي قبل حسم الفارس الابيض للصفقة.

قال خالد الغندور في تصريحات ببرنامج زملكاةي عبر قناة الزمالك:”اُستفزيت بسبب التعامل الاعلامي مع موضوعات تخص الزمالك بتتناقش بـ100 مكيال، والسبب مصطفى شلبي وسمعنا كتير انه مش عاوز يجي الزمالك ورغبته الأهلي”.

واضاف:” لعيبة مصر كلها بتكتب رغبه للعب بالزمالك والاهلي هل الانتماء للماده او للنادي؟ “.

وشدد الغندور:”فلاعب بيلعب في اي نادي ويعرض عليه الاهلي وهو زملكاوي هيقوله لا اصل انا زملكاوي والعكس، الفكره دي مش موجوده”.

واوضح؛”شوفنا حسام وابراهيم حسن لعبوا في الزمالك وحصلوا على بطولات ومعتز اينو اللي كان في الزمالك وراح الاهلي”.

وواصل الغندور:”ايه المشكله لما الاهلي عرض على انبي وتم رفض المقابل المالي، ويخش الزمالك والمصري والاهلي ابتعد”.

واكمل:” معي ورقه امير توفيق وهو ماضي مع مصطفى شلبي على تفاصيل عقده مع الاهلي، وكان هيحصل اذا تم التعاقد 5سنين اول موسم7 ونصف مليون جنيه،و 8 و8 ونص وحتى يوصل الى10 مليون لكن مش عاوزين يدفعوا لانبي المقابل”.

واستطرد الغندور:”اللاعب وقع للزمالك ووافق واخد فلوس اقل من اللي اتفق عليها مع الاهلي، ايه فكرة الرغبة دي، ماشوفنا قبل كده900 الف رغبه”.

وزاد:” من سنه وشويه حسام حسن زملكاوي ورغبته الاولى والاخيره الزمالك، واعلن فجأة فرج عامر راح الاهلي في النهايه الاهلي دفع 20 مليون وفرج عامر لميوله الاهلاويه علشان صداقته للخطيب وبيصطادوا مع بعض، وراح بقى يعيط وكان عاوز يطلع اعاره”.

واردف الغندور:” بلاش قصةالرغبه دي ياجماعه، وعندك ياسر ابراهيم طلع قال بكره الاهلي لان الحكام كانوا ضدنا ايام لعبه ف المنصوره وحاليا لاعب فالاهلي
، خدوا التقيله اوي بقى عبد الله السعيد لما وقع للزمالك واخد40 نليون ايه كانت رغبته ايه ولا اجهش في البكاء موت انت ليه على عبدالله ورجعته بمساعدة تركي، ورمضان صبحي بيتشتم ليه مش رغبته بيراميدز”.

واختتم:” مصطفى شلبي لاعب في الزمالك وبقول هينجح جدا في الزمالك وهتشوفوا وهو بيعشق وبيموت في الزمالك، زيزو نجم نجوم مصر وبيموت في الزمالك ورفض عرض بـ3 مليون دولار، علشان بيحب عاشق للزمالك، بلاش نلعب على مشاعر الجمهور لان الكرة حاليا احتراف”.