شن المستشار مرتضى منصور رئيس نادي الزمالك، هجوم ضاري على الحكم نادر قمر الدوله، الذي ادار مباراة الفارس الابيض وسموحه بالجولة الاولى بالدوري العام المصري.
وقال مرتضى منصور في تصريحات تليفزيونيه ببرنامج زملكاوي عبر قناة الزمالك:”عاوز اقول كلمه لقمر الدوله، لما انت ياقمر الدوله، الفار يستدعيك تروح له بعد 3 دقايق؟ علشان تشوف لعبه زيزو لما وقع في منطقة الجزاء”.
واردف:”انت عارف ياقمر الدوله اتعينت ازاي، واحمد شوبير هو اللي عينك، وعندك مصيبه في ماتش سيراميكا السنه اللي فاتت، طبيعي لاعب سيراميكا بيلعب الكره ومحمد محمود لاعب الاهلي هو موطي راسه، وقولت ضربة جزاء مش كده”.
وتابع مرتضى:” حكم الفار قاله تعالى يالا ياقمر يالا، انت روحت ليه بعد3 دقايق، ويقولك تعالى ياقمر، لامش جاي، والنبي تعالى، لا مش جاي”.
وشدد:” عاوزين نحترم الحكام؟، لا لمايحترموا نفسهم،
انايهمني لما استدعاك تروح واعاد لك الكره اكتر من مرة”.
واختتم: “قمر عمل مصيبه بعد الماتش، جاب بناته يتصوروا مع لاعيبة الزمالك، وقالهم اصلهم زملكاويه
