قناة الزمالك توضح آخر مستجدات صفقة عمرو السيسي.. وتؤكد لاعب مهم وقع للأبيض وفيريرا رفضه

كشف الإعلامي كريم ابوحسين، اخر مستجدات مفاوضات الزمالك لضم عمرو السيسي لاعب طلائع الجيش لدعم الفريق الاول لكرة القدم بالتادي.

وقال كريم ابوحسين في تصريحات ببرنامج زملكاوي عبر قناة الزمالك: “اللي في مصلحه للزمالك هيتعمل، وتم التعاقد مع صفقات سوبر السوبر”.

واضاف:”خلال ساعات سيتم حسم صفقة عمرو السيسي، هتقولوا بيتقال خلال ساعات كل شويه، انت متعرفش الاتفاقات والمفاوضات ايه، واول لما تخلص هيتم الاعلان عنها”.

وشدد ابوحسين:”متقلقوش علي ملف الصفقات، ولاعب مهم جدا في نادي مهم جدا وقع للزمالك، لكن في قرار فني برفضه محدش يقدر يتكلم فيها”.

واختتم:”فيريرا هو المسئول عن الاختيارات،وله كل الصلاحيات وهو اللي هيتحاسب اخر الموسم، حضرتك لاعب كل يوم تتكلم عنه وموقع للزمالك لكن فيريرا مش عاوزه هنعمل ايه؟،هنقوله سمعا وطاعه لانه هو المدير الفني”.