” لو الدكتور سيد سحبها مش هتبقى كده”.. تعليق قوي من مرتضى منصور على ترتيب مباريات الزمالك بالدوري-فيديو

علق المستشار مرتضى منصور رئيس نادي الزمالك، على ترتيب مباريات الفارس الأبيض في مسابقة الدوري العام المصري الموسم الجديد والذي من المقرر ان ينطلق غدًا الثلاثاء الثامن عشر من اكتوبر الجاري،وشدد ان لوسيد عبد الحفيظ مدير الكرة بالاهلي هو من قام باختيار المباريات لن تكون بهذه القوة في البداية.

وقال مرتضى في فيديو تم بثه عبر قناته على “اليوتيوب”:” الحمدلله امير وكابتن جمال كانوا عاملين مؤتمر لتقديم الصفقات، من انجح المؤتمرات اللي اتعملت، مؤتمر عالمي”.

وتابع:” بضحك من امبارح قالوا مرتضى مراحش ليه تقريبا متخانق مع امير، حتى سيف زاهر طلبني سالني وقولتله علشان كل واحد ياخد حقه”.

وشدد مرتضى:” انا النجم اللي في القعده وهاخد الاضواء، وعلشان هم بذلوا مجهود ياخدوا حقهم ومحضرتش المؤتمر”.

واردف: “بقول للجمهور افرح ببطولاتك وبصفقاتك يخرب بيتك في 1000 عيل منكديين على 500 مليون زملكاوي، مش عجبني ولا عاجب القانون ان العيال تقلع هدومها وتشجع”.

واضاف منصور:” بقول لمجلس ادارة الاهلي لم اللجان اللي طلعت صورهم عندك، لان الست ام كلثوم قالت للصبر حدود وبتجروا تعيطوا”.

واستطرد:” الاخ محمود عثمان انت اخدت براءة؟ انت بتسيئ لقضاء مصر، انت دخلت في اعراض وسب ولو فعلا اخدت براءه طلع الحكم”.

واوضح منصور:”هنبدا الموسم يوم الاربعاء واول ماتش سموحه في المقاولون وبعده سيراميكا وبيراميدز مباريات صعبه، قرعه جميله، لو الدكتور سيد سحبها لنا مش هتكون كده، بس البطل ميخافش”.

واضاف: “وعاوزين مفيش خلافات بين الجمهور، روح اقلع في البيت، وسيب الناس تفرح وتشجع الفريق، علشان بقولك المجموعه الصغيره وداخله في سكة الشماريخ والشتيمه، ابدا الموسم واهتف لصفقاته الجديده ولفريقك، بتقول في بره التشجيع ده مافي بره شواذ! “.

واكمل:” بتقول بالعند فيك، رئيس النادي مبتتعاندش هقولك شكرا في جماهير الاف مألفه هتروح وتفرح، بشكر جماهير الزمالك العظيمه اللي قالت ان انا صح

انابقعد مع المسئوليه علشان نزود الاعداد قال الكره في ملعبك”.

وزاد مرتضى:”عندنا ماتش مهم ربنا يوفق ولادنا جبنا اعظم لاعيبه في مصر وخارج مصر، انتم عاوزين تتخانقوا عاوزين نكسب البطولات ولا تقع؟، الكره في رجلكم، شجع كما تشاء لكن مش هسمح القله دي تبدا ترمي شماريخ وتشتم”.

واختتم:” كل سنه وانتم طيبين وربنا يكرمنا، ميعادنا الخميس هنكمل مهزله ومسخره ممدوح عباس، حرصت ان اقولكم كلمه قبل الموسم وادعوا معي ربنا يوفقنا والزمالك لوحصله انتكاسه هينزل درجه تانيه”.