وجه المستشار مرتضى منصور رئيس مجلس إداره نادي الزمالك رساله ناريه لممدوح عباس بسبب الحجز على أرصدة النادي ، كما وجه رساله لجمهور الزمالك بشأن الصفقات الجديده .
وقال المستشار مرتضى:”انا بطمن الجمهور احنا عندنا ٣ صفقات ، فيريرا قال دول زياده بس انا شايفهم وهو كمان شايفهم كويسين”.
وواصل :”امير وفيريرا شايفين ان كده كفايه والفريق كده بقا مكتمل” .
وأكمل :”ابراهيما نداي كان بيلعب في احسن نادي في سويسرا ، زكريا الوردي كان في انديه في فرنسا وخناقه بين الرجاء والوداد عليه وجبته” .
وتابع :”الزناري احسن مدافع في مصر و عمر جابر ودونجا احسن خط نص في مصر كل ده مش عاجبكوا ؟ كويس ان احنا جبنا كل دول والحسابات محجوز عليها” .
وأضاف :”انا كنت مجبش اي صفقات ، اللعيبه دي كسبت الدوري ومش محتاج تدعيم وكمان محجوز عليا ، الأهلي الي محتاج تدعيم عشان مركز تالت ، انا بعافر عشان جماهير الزمالك اللي بجد “.
وأتم :”سامسون جاي النادي بكره وفاضلي ٣ صفقات ، ربنا يسهل والازمه تفك وهتتفك عشان في دوله محترمه ، كل اجهزه الدوله دلوقت بتتحرك عشان مؤسسه كبيره مش مرتضى منصور”.
