“مش إنتم مقتنعين بفيريرا”.. طارق يحيى يوجه رساله ناريه لجمهور الزمالك بعد خسارة السوبر
طالب طارق يحيى مقدم برنامج زملكاوي بقناة الزمالك، جماهير الفارس الأبيض بدعم الفريق، وعدم الوقوف كثيرا امام خسارة السوبر فاللاعبين والجهاز الفني اسعدونا كثيرا.
وقال طارق يحيى في تصريحات تليفزيونيه ببرنامج زملكاوي غبر قناة الزمالك:”الزمالك بطل الدوري والكأس، ليس هناك ازمه في الخسارة نحن منذ عامين نعيش فرحه لحصولنا على الدوري موسمين متتالين وغيرنا زعلان”.
وشدد:” الكرة مكسب وخسارة، كان هناك مشهد تجلى من خلاله قيم ومبادئ نادي الزمالك حينما شاهدنا كابتن الزمالك شيكابالا وهو يصطحب مؤمن زكريا لاعب الأهلي للاحتفال بالسوبر مع الفريق الاحمر”.
واضاف يحيى:” الجميع هاجم شيكابالا وهم لايعرفون ماذا يفعل لقطة شيكابالا ومؤمن مثال حي للروح الرياضيه”.
وأوضح: “الخسارة ليست نهاية العالم احنا من سنتين بنفرح وهم زعلانين، اعظم مدربين واللاعبين بالعالم بيخطئوا، وبتحدث في احسن الانديه في العالم، جوميز اخطئ في مباراة ليفربول هل نعدم جوميز وهو مخسر فريقه اي لاعب بيخطئ”.
واضاف يحيى:” لانجلد اللاعبين زي ماقلتنا محمود علاء هل نقتلهم نفسيا في لعيبه محتاجنهم، مش انتم مقتنعين بفيريرا وهو بروفيسور سيبه يشتغل والمحاسبة اخر الموسم، هو لحق يلعب فيها ايه؟ غلط في مباراة كلنا بنغلط”.
وواصل:”مينفعش نجلد اللعيبه علشان مباراة شرفيه، اه مع الاهلي لكن كسبنا الاهلي في الكاس واخدنا الدوري سنتين مع الاهلي، مينفعش نقتل الناس لولا المستشار مرتضى طالب نطلع بزي رسمي كنت لبست التيشرت الازرق لدعم اللاعبين”.
واكمل:”الاصابات اربكت حسابته، وفيريرا شايف احسن مننا انه يلعب عمر جابر باك شمال، عبدالله جمعه مش جاهز علشان الخبرا اللي بيفتوا ويقولوا عمر جابر شارك ليه، لازم نتقبل اللي بيحصل”.
وزاد يحيى:”جمهور الزمالك انت سنده بعد ربنا الجميع عمل ماعليه ادارة قايده صوابعها الـ10شمع مشرف قافل على الفريق، اوعوا تخلوا حد يدخل بينكم وبين الفريق احنا مع الزمالك في الخسارة قبل المكسب، اتمنى نستوعب الدرس”.
واختتم:” الخسارة دي مفيده جدا وهتشوفوا: شكل الزمالك، وزي مابتقول اغنيه الـتالته يمين مهما بكاني هيجي يوم وافرح معهم تاني، عاوز اشوف جمهور الزمالك يوم ماتش انبي، وهم بيشجعوا الوردي واوباما والجزيري وعواد شجعوا الزمالك انتم الوقود للعيبه دي”.
