أكد المستشار مرتضى منصور رئيس نادي الزمالك، انه سيدعم بقوه مريم مصطفى لاعبه الاهلي ومنتخب مصر ونجله هناء حمزة نائب رئيس الكرة الطائرة، في ازمتها مع الفريق الاحمر وشدد انه لوثبت تزوريهم للعقد فانهم معرضون للحبس.
وقال مرتضى في تصريحات ببرنامج زملكاوي عبر قناة الزمالك: “الاهلي اكبر من بنت هناء حمزة، ده وضع طبيعي واكبر من اي حد من ولاده، والزمالك اكبر من مرتضى وجمال واي حد”.
واضاف:” من فتره في لاعب اسمه جدو وبيقل ادبه دلوقتي مش مشكله، عمل عقد مع الزمالك زي مابنت هناء حمزة عملت عقد، هو وقع على بياض وممدوح عباس ملى العقد مخالف للي اتفقوا عليه، وجدو راح لاهلي قالهم الحقوني الحقوني وقدموا بلاغ، والنيابه عملت ضبط واحضار لاعضاء مجلس الزمالك”.
وشدد مرتضى:”خش زووم يا ابني على اللي هيتحسبوا من مجلس الاهلي هم ومحاميهم، اللي هيتحبس يوم السبت وواخد سنه سجن، وقولت عندك كورونا ورحت بعدها 3 ايام تقدم بلاغ ضد البنت، انت ياكداب ياعصاية الغليه”.
واوضح:”مجلس الاهلي هيتحبسوا 3 سنين، لان البنت مضت على بياض وهم كتبوا العقد بعد ما وقعت، وانا واقف وراها لحد اخر المشوار، وبطلوا سفاله وقلة ادب لها ولوالدتها، دي كابتن مصر والاهلي هناء حمزة لمده18 سنه بتتسب وتتشتم”.
وواضل منصور:” بنت صغيره وطفله، كل ده علشان ابن هناء حمزة تزل الانتخابات مع محمود طاهر، ايه الافترا ده انتم مين مفيش كده مفيش افترا كده جوز خالته اتفصل ابراهيم عبد الصمد و البنت بتبهدلوها”.
واكمل:” مين حمدي الصافي ده، كل ده علشان ابنها نزل الانتخابات، وعامل للبنت شرط جزائي 3 مليون، ادخل ياوزير الشباب لحل المهزله دي”.
واستطرد مرتضى:” الموضوع سهل النيابه هنعرف هل الخط بعد التوقيع ولا قبله، ولو كان بعد التوقيع العقوبه وفقا للقانون 3سنين سجن، ولو ثبت ان التوقيع بعد كتابه العقود البنت من حقكم، وامها تتشتم واعراض، لالا يا وزير الشباب انت فين؟، قاعدين نتفرج عليها هي وامها متبهدلين، طيب انا متحمل وانما بنت صغيره”.
واردف:” انا معرفش انها جت للزمالك ولاوقعت لنا، علشان بيقولوا لازم ننتصر على مرتضى الموضوع بسيط النيابه تفصل”.
وزاد:” في بنت اسمها دعاء لاعبة الزمالك راحت الاهلي في ستين داهيه انتٍ وفؤاد عبد الباقي خالك، وعندها اخت في النادي قولتهم عاملوها كويس وضعوها فوق الرؤوس”.
واستكمل: “شروق فؤاد قالت الزمللك جري ورايا انت كدابه، الكاميرات والمكالمات تشهد، بس قالولك مصيرك زي بنت هناء حمزة، فطلعتي البيان، هي مين علشان نجري وراها”.
واختتم:” واحد ف الاتحاد الافريقي، اسمه فؤاد عبد السلام كلم واحد ابو بنت من اللي وقعوا للزمالك، وقاله هتزعل بيبو، قولت لابو البنت تعالى اشتغل في الزمالك، انتم بتهددوا الناس، مالك يا ياسر ياقمر خايف من ايه من الضغوط اعمل الصح متخافش من زمالك او اهلي”.
