تحدث كابتن احمد مرعي المدير الفني للفريق الاول لكرة السله بنادي الزمالك، عن الازمات التي يعاني وكذلك اوضح رؤيته المستقبليه.
وقال احمد مرعي في تصريحات تليفزيونيه ببرنامج ملوك الصالات عبر قناة الزمالك:” للأسف غير متابع جيد للسوشيال ميديا، ولكن وصلني اشادات الجمهور ودعمهم، وهذا بيحملني نوع من المسئوليه تجاههم واشعر بالخجل، ولكن بحاول افعل ما بوسعي لتحقيق بطولة للكيان والجماهير”.
واضاف: “هم يتحدثون عن الزمالك، ولايتكلم عن الظروف الاضطراريه التي نعاني منها، من عدم قيد المحترف وغيابات واصابات بعد غلق القائمة، حتى بعض الناشئين الذين توقعنا منهم الافضل سافروا لامريكا”.
وشدد مرعي:” بنضع اطار لفريق ينافس على البطولات وفي انتظار الانتاجيه”.
واوضح:” الرأي العام من خبراء اللعبه كانوا بيقولوا هتروح ماتش الاهلي هتروح خناقه وتاخد علقه بعد اسكواد الاهلي القوي وماتعرضنا له، لكن الملعب له رأي مختلف نوعا ما، من الروح القتاليه، وبحيي لاعبي الفريق على الاداء الخرافي، لان هناك فرق في هم منسجمين من 4 سنين ونحن نبني فريق جديد”.
وتابع: “كنا واقفين على رجلنا وكنا متقدمين في اوضه اللبس قولتلهم اوعى تقارن،الخصم عنده روتيشين ومعهم جهاز فني محترم ومقاومتنا ضعفت لان لدينا8 لاعبين فقط، في اكثر من كره احنا ضيعناهم وكان في قرارات خطأ من بعض اللاعبين”.
واردف مرعي:” عدد القائمة القليل اثر علينا وكنا قريبين جدا من الفوز علي الاهلي، وهذا بيعطينا امل كبير اننا عملنا كده مع فرقه كبيره زي الاهلي، فالفريق ببعض التدعيمات سنقف على منصات التتويج، غياب المحترف اثر على اداء الزمالك في دوري المرتبط”.
وواصل: “عيب اوي منكونش في الـ4 الكبار، الحاله اللي احنا فيها مفيش مباراة نقعد ونقول هنكسب فلو مبذلناش مجهود كبير امام فرق اقل مش هنكسب، دوري السله قوي ومثير ومفيش ماتش تكسبه بسهوله”.
واستطرد:” انا اتفرجت على فريق المرتبط وكلمت المدرب، هم بيحاولوا يبذلوا مجهود لكن فرقه الاهلي بنفس السن قويه جدا واعدادهم قوي والفارق بينهم وبينا كبير، ومنقدرش نلوم ولادنا انهم خسروا فرق كبير ولازم يكون في وقفه”.
وزاد مرعي:” في نقطه لاحظتها فرق الناشئين علشان تطلع لاعبيه كويسه لازم ندور بره ونعمل زي الاهلي بيجيب من اماكن مختلفه وارجو من ادارة النادي ميكونش في اولياء امور الموضوع يكون الملعب والمدرب هو السلطان عليه واختيار عناصر مع مدرب كويس ومحدش يكلم لواستمر الوضع كده هيكون اسوء، مفيش في حاجه في كل الالعاب ان ولي امر يطلع يشتكي المدرب سلطان الملعب، انت لن تقيم مدرب”.
واكد:” قدرت انفذ افكاري بنسبة50٪ بسبب بعض الظروف منها استدعاء لاعبين للمنتخبات في اوقات غريبه حتى الـ8 اللي بنلعب بهم مع الناشئين بيغيب منهم، وخالد عبد الناصر راح التجنيد، مستني الفريق يكمل ويثبت هم الـ8 بس ونكمل التدريب ونقعد شهر مع بعض فيكون الاداء افضل
واختتم: “عندنا لعيبه هتنضم لمنتخب3/3 والمنتخب الاول، مش عارف ليه في معسكرات للمنتخب والمدرب مش موجود وايه النظريه ووجه الاستفاده وانا عندي مواجهات كأس بعدها”.
