أمير مرتضى منصور يكشف تطورات جديدة بشأن غرامة الهارب كهربا.. ويوجه رساله لجمهور الزمالك

كشف أمير مرتضى منصور المشرف العام على الكرة بنادي الزمالك، آخر تطورات ازمة غرامة الهارب محمود كهربا لاعب الاهلي، وكذلك وجه رساله هامه لجمهور الفارس الأبيض.

وقال أمير مرتضى في تصريحات تليفزيونيه عبر قناة الزمالك:” نفس المذيع والقناة اللي بتتكلم عن الحاجات السلبيه، بتتكلم عن ان كهربا هيدفع نص الغرامه لاربعها وانه يستنى مش هيدفع علشان الزمالك لايستفيد من الفلوس في الصفقات، اصل هيحطوا الفلوس في الحساب المحجوز عليه”.

واضاف: “الفيفا ملهاش علاقه بكل الكلام ده، كهربا متعاقب بالايقاف، والحكم صادر ضده اللاعب وافيش بشكل مباشر وضد الاهلي بشكل غيرمباشر لانه عند الاهلي ومش بيستفيد به”.

وشدد أمير:” سواء الاهلي هيدفع او ياخد من رعاة، الزمالك مالوش علاقه، احنا كسبنا قضيه وعدلنا حكم الفيفا ووصل لـ2 مليون ودولار وفوايد، وكهربا اتوقف”.

واكمل: “احنا مكملين في القضيه والايقاف هيخلص في يناير، والفيفا هتتواصل معنا تسال سدد اولا وبعدها العقوبه ممكن تزيد، كل يوم الغرامه بتزيد والولار كمان لوعنده نيه يسدد مفيش مشكله”.

واردف مرتضى:” الجمهور دايما بيقف خلف النادي وبيحضروا المباريات ومعنا دايما، وعندهم وعي بالازمات، اتمنى الجمهور يكون في ضهر النادي لاننا محتاجينه بشكل كبير الفتره الجايه، في الرعايه والمباريات، لان الجمهور بالملايين لانه بيدعم الزمالك والراعي”.

واختتم: هناك حرب اقتصاديه على الزمالك وحجز على ارصده ويكون في رعاة وتمد ايدها فلازم الجمهور يدعمه، ونتمني الجمهور يكون معنا في نفس المركب لان في حرب علينا عندنا فريق كبير واحسن لعيبه، ودايما بيحصل مضايقات بره الملعب، اتمنى يكونوا معنا وكلنا ايد واحده وزي الموسم اللي فات”.