تحدث أمير مرتضى منصور المشرف العالم على فريق الكرة في نادي الزمالك عن أزمة المهاجم البنينى سامسون أكينولا، مشيرًا إلي أن محمد عواد حارس الفريق لم يطلب تعديل تعاقده.
وقال “أمير” :”عقوبة سامسون طبيعيه لان في مواعيد للتدريبات والحضور للنادي وكل يوم بيحصل إن أي لاعب بيتاخر عن أي ميعاد محدد يتم تغريمه”.
وكان أمير مرتضى منصور قد أعلن في وقت سابق تطبيق غرامة خاصة على سامسون وذلك بعد تأخره عن موعد وصوله المقرر إلى القاهرة.
وأشار :”حصل مشكله لـ سامسون في بنين وتأكدنا منها وهدف السفرية كان تجديد جواز السفر وده أفضل وقت يسافر يجدده، كنا علي علم بكل الأمور وفي الأخر هو في لائحة وتم تطبيقها عليه”.
وأضاف”أمير” في تصريحات لقناة “الزمالك” :” غياب اللاعب عن مباراة المصري بسبب عودته من السفر متأخر، وده نظام احنا حاطينه لحماية اللاعب، وبسبب عدم مشاركته بشكل كافي في التدريبات”.
وتابع:” فيه ناس بتقول على صفقة سامسون أنها فاشله، وأنه هرب كل ده بيتكلموا على لاعب مكملش شهر في مصر ولسه في بداية عقده مع الزمالك ولعبنا 3 ماتشات ابتدى الضغط والتقطيع يحصل وده بيقوينا هو اصلا مستغرب من اللي بيقال”.
وعن حقيقة طلب عواد تعديل عقده مع الفريق قال “أمير” :”نزل خبر إن محمد عواد عاوز يعدل عقده، وانا مردتش عليه، راح اشتكى للمستشار وبعتلي قالي الخبر ده قولتله ركز وسيبك من أي حاجه، ومتتعبش نفسك هنفضل نسمع ان فيه مشاكل وأزمات طول الموسم ومش منطقيه لازم كلنا على تراك واحد”.
