“أنت عاوز تنكد على الزملكاويه”.. جمال عبد الحميد ينفعل على الهواء ويتسائل لمتى تستمر أزمة النادي!!

تسائل جمال عبد الحميد عضو مجلس إدارة نادي الزمالك، لمتى تستمر أزمة الحجز على أرصدة الفارس الأبيض لدى البنوك من قبل ممدوح عباس رئبس القلعة البيضاء الأسبق.

وقال جمال عبد الحميد في تصريحات تليفزيونيه ببرنامج زملكاوي عبر قناة الزمالك:”لغايه امتى يستمر الحجز على ارصدة الزمالك، استطعنا نوفر مرتبات الموظفين، طيب مستر فيريرا اللي جاب لنا دوري وكأس وعاوز يكمل معنا واللعيبه هنعمل ايه في مستحقاتهم”.

واضاف:” انا صُعقت لما عرفت ان اتحاد السله رفض قيد اللاعب بسبب مديونيات علينا، طيب قسطها”.

وشدد جمال: “عندنا عدد من العاب، احنا ممكن نلغي الالعاب الجماعيه ونكتفي بالفرديه اللي بتجيب ميداليات لكن بنخدم مجموعه كبيره”.

وتابع:” انت بتلوم احمد مرتضى ليه، طيب هو كان بيجري ورا الفرق وجلب لاعبين على اعلى مستوى وحصل على بطولات، ولما ايده اتكتفت نعمل ايه”.

واوضح:” اديني فلوس واحنا نجيب احسن لعيبه،
تعاقدنا مع احسن لاعبين في كل الالعاب، احنا مش مفيش معنا فلوس لا معنا بس محجوز عليها”.

واختتم: “في ملايين من الزملكاويه انت عاوز تنكد عليهم؟”.