كشف إسماعيل يوسف رئيس قطاعات الناشئين بالزمالك، عن مميزات وعيوب المغربي زكريا الوردي لاعب خط وسط الفارس الابيض، ووجه له رساله هامه.
وقال إسماعيل يوسف في تصريحات تليفزيونيه ببرنامج زملكاوي عبر قناة الزمالك: “الاساس في اختيار الصفقات كان فيريرا، هو حدد الاماكن وبيتعرض في كل مركز لاعب و2 و3 وهو بيختار بناء على احصائيات اللاعب اخر5 سنين وفيديوهات وملف كامل عنه”.
وشدد:” امير مرتضى كان بيعمل ملف لكل لاعب واختيار اي لاعب بيرتبط بالعمر والقيمه الماليه، رجوع صبحي دعم كبير لحراسة المرمى، والزناري لاعب لايختلف عليه اثنين”.
وتابع يوسف:” وسامسون حظه وحش انه اتصاب ولكن برجوعه هيتالق”.
واضاف: “زكريا الوردي لسه صغير وعنده بعض العيوب، ونصيحتي له مينزلش على الارض كتير والتهور ده مرتبط بسنه بسبب قلة خبراته، هو لاعب فنيا كويس ويلعب 6 مش 8 والتاكلينج لازم يقل وهيتطور الفترة الجايه، مش عاوز استعجال في الحكم عليه”.
واكمل يوسف:” لازم نعطي لاي مدرب او لاعب فرصه لكي نحكم عليهم ومش اقل من10 مباريات “.
واختتم:” أمير مرتضى فاجئني بانه قدر يرجع محمد صبحي ووجوده اهم مركز بالنسبه للزمالك، تغيير طريقة اللعب تجبر المدرب ان يكون في5 او6 مدافعين لاننا بنلعب ب3 مساكين”.
