المقارنة حرام شرعا.. إبراهيم فايق ينفعل على ويصُب غضبه على إتحاد الكرة بسبب السعودية-فيديو

فتح الإعلامي إبراهيم فايق، النار على إتحاد الكرة المصري وذلك بسبب عدم التخطيط الجيد للرياضة المصريه، وذلك بعد فوز السعوديه على الارجنتين اليوم في مونديال قطر2022.

وقال إبراهيم فايق في تصريحات إذاعية: “عزيزي المتابع متقارنش، المقارنة لاتجوز شرعا، دي ناس بتشتغل لما هم كانوا بيعينوا هيرفي رينار في 2019،
كنت انت في الحلمبوحه، وجبت اجيري ومشيته، جبت حسام البدري ومشيته، بالمناسبه حسام البدري معملش حاجه وكان اداء مزري”.

واضاف:” جبت كيروش ومشيته، وبعده ايهاب جلال واتقال جبناه علشان سالنا بتاع الماليه في دولار قال لا مفيش، ومشيت إيهاب جلال بعد 3 مباريات في فضيحة مدوية”.

وشدد فايق: “عرفت احنا فين وهم فين، متتعبش قلبك، احنا في الحته بتاعت اصل مفيش دولارات
فضيحه مدويه، الدولارت طلعت جبنا شقله اجانب وعلى الله ربنا يكرمنا”.

وتابع:” انت مخططش لما تبقى شغال حلمبوحه متقارنش، السعوديه بيخططوا وشوفوا رينار بيكلمهم ازاي والمحاضره مع اللاعبين، ومتقارنش نصيحه لك كاس العالم للمتعه فقط”.

واكمل فايق: “احنا بعيد اوي اوي، اتبسط بالماتشات والحاله وتابع المفاجأه، ارجوك متقارنش يمشي معك تتفرج على السعوديه والمنتتخبات العربيه والبطولة”.

واردف:” امتى ربنا ينفخ في صورتنا؟، لما نخطط وتيجي تعرف احنا فين، بعد القرعه بيسالوا رئيس الاتحاد ايه خططنا للمرحله المڨبله؟، رد احب اقولك مهتمين بالكره النسائيه اكتر من الرجاليه “.

واختتم:” اتبسط بالسعوديه والمنتخبات التانيه متشلش هم، لان القربه مقطوعه”.