!["انت غيران".. طارق يحيى يفتح النار على ممدوح عباس وأعوانه ويطالبه بأمر عاجل 1 "انت غيران".. طارق يحيى يفتح النار على ممدوح عباس وأعوانه ويطالبه بأمر عاجل](https://zamalek.news/wp-content/uploads/2022/11/IMG_٢٠٢٢١١٢٠_٢٢٢٦٢٣.jpg)
فتح طارق يحيى مقدم برنامج زملكاوي، النار على ممدوح عباس رئيس نادي الزمالك السابق وأعوانه، وذلك بعد اثارة الأزمات للفارس الأبيض، والحجز على ارصدته، وطالبه بضرورة رفع الحجز من أجل العمال والموظفين.
وقال طارق يحيى في تصريحات تليفزيونيه ببرنامج زملكاوي عبر قناة الزمالك: “المحكمة اليوم رفضت الطعون المقدمه من محاولي هدم نادي الزمالك، عندك ممدوح عباس وهاني العتال و عبد الله چورچ غيرهم، ودائمي اثارة المشاكل للنادي”.
وأضاف:” تم تقديم دعوى مستعجله من هؤلاء الاشخاص لعزل مرتضى منصور، بسبب حكم صادر ضده لصالح رئيس الاهلي، صعب جدا تعمل حركه زي دي”.
وشدد يحيى:” عاوز احط 100 خط وعلامات استفهام تحت كلامهم ان وجود مرتضى خطر على الزمالك، ويؤدي الى انهيار النادي رياضيا وانشائيا واجتماعيا وماليا، هل انتم كزملكاويه شايفين ده؟، ان وجود مرتضى خطر، كلمتي لهم اذا لم تستحِ افعل ماشئت”.
وواصل:” كيف نعمل ذلك مع رجل اعاد للزمالك هيبته ونقل النادي اجتماعيا وانشائيا لحته رابعه وخامسه، وتقول انت انه خطر على الزمالك”.
واكمل يحيى: “من خطر على الزمالك من حصد البطولات واعاد بناء النادي ام من استمر في رئاسة النادي 10 سنين ولم يحصل على بطوله ولم يكن فيها نجاح والنادي كان منهار في كل شئ”.
واردف:” انت شايف خلاف بين رئيس الزمالك والاهلي بدل ما تصلحوا تزودا الازمه، قولوا مين اللي خطر علي الزمالك الموضوع اصبح شخصي لماذا لم تحجزوا على ارصدة النادي وقت اللجان ولا علشان اصحابكم”
واستطرد:” مش كفايه اللي حصل للنادي في وجودك عانينا بشده على كافة الاصعده ولما الزمالك بدا يقف على رجله بتحاولوا توقعوا، انتم اولاد النادي وهو من صنع اسمائكم، بدل ما تحل المشاكل بتزودها، وبتستغل الازمه بين رئيس الزمالك والاهلي وندخل في النص”.
واكد يحيى:” اللي بتعملوه صعب، انت كنت رئيس النادي، وكثير منهم كانوا بيشتغلوا فيه، ولم يقدموا حاجه للزمالك، انت عاوز ايه؟، انزل الانتخابات ومحدش منعك من حاجه، ارجع لصوابك”.
واشار:” بينكم مشكله تتحل، العِند صعب ومش لدرجه توقف حال الزمالك، ومحاميك يطلع يقول حاجزين على بنك واحد بس انا سألت واتقالي بيتحجز علي كافة الارصده من البنك المركزي، كفايه كده الزمالك نادي كبير وهو اللي عملك وعملني، خرج الزمالك بره الخلافات ارجو الرساله توصل والمقريين من الاستاذ ممدوح عباس يتكلموا معه و يتنازل عن الحجز، مينفعش اللي بتعمله العمال والموظفين ملهمش ذنب”.
واختتم:” انت زعلان ان مرتضى شخص ناجح وغيران انه نجح في الزمالك، انا بدافع عن الزمالك مش مرتضى منصور، انت غيران وممتعض، هل ممكن تضر بيتك الزمالك ده بيتك، ربنا يهدي”.