هدد أحمد حسام ميدو مقدم برنامج الريمونتادا، بفضح سياسة اختيار لاعبي منتخب مصر، وذلك في حال عدم ضم أحمد الشناوي حارس مرمى نادي بيراميدز.
وقال ميدو في تصريحات تليفزيونيه ببرنامج الريمونتادا عبر قناة المحور: “حصل جدل كبير بسبب عدم انضمام كريم فؤاد بعد تألقه، ومن راي انه كان لازم ينضم للمنتخب انت ضميته وهو مبيلعبش ولمايلعب وينور متضموش ياكوتش”.
واضاف:”يا الكوتش فيتوريا عدم انضمام اللاعب وهو كويس بيسبب له احباط كبير، الف باء علشان انور شغلي ان اضمه، واقول اهو كان عندي حق، وعدم ضم كريم فؤاد لغز كبير، ومعكم انه ملعبش مباريات كتير لكن هو انضم قبل كده وهو مبيلعبش”.
وشدد ميدو:” معرفش احمد الشناوي هينضم ولا لا، حاسس من كلام فيتوريا انه مش هيضمه، اتمنى انه ينضم،لانه من افضل الحراس في مصر، ومميز جدا وبيلعب برجله، وحاسس انه مش هيضمه وهستنى مش هتكلم، ولو منضمش انا عارف ليه وهتكلم وقتها”.
وواصل:” اتمنى ان السياسه الكرويه لاتتدخل في اختيارات المدرب وضم لاعب من عدمه مش هسبق الاحداث وننتظر هتشوف ايه هيحصل وهل هيضم الشناوي بيراميدز ام لا”.
واختتم: “في ظل غياب الونش وعبد المنعم اتمنى فيتوريا يحل مشكله الدفاع، لان اللي ضمهم عبد المجيد ومحمود متولي ومحمود علاء وباهر المحمدي مينفعش يلعبوا جانب حجازي، لازم يلعب جانبه لاعب قوي، ولازم يلعب بـ3 في قلب الدفاع للخروج من ازمه غياب الونش وعبدالمنعم وامامه لغز فني ولازم يحله”.
