فتح الإعلامي هاني حتحوت، النار على المنظومة الرياضية في مصر، وقارن بين مستوى الكرة المصريه والسعودية، وذلك بعد فوز منتخب السعودية على الارجنتين في كأس العالم2022.
وقال حتحوت في تصريحات تليفزيونيه ببرنامج الماتش عبر قناة صدى البلد: ” هقول كلام لنا في مصر شوفت اكتر من صديق بيسأل احنا ليه مش في كاس العالم؟، والسعوديه بتكسب الارجنتين، واحنا لما بنشارك بنخسر الـ3 مباريات”.
واضاف:” السؤال عجبني بما انه قارن بين مصر والسعوديه، الاجابه واضحه، النهارده رابطه الانديه بتعلن عن مباريات الدوري بكره، وبيقولوها هزار عارفين ان مبارياتنا اهم، اصل القصه انت بسبب عدم انتظام مسابقتك بتلعب اثناء كاس العالم، فازاي تكون مركز تلعب في المونديال كل نسخه، وانت مش مهتم بالمنتخب، وبسبب عدم اعطائك اولويه له”.
وتابع: “ايه اخيار الجمهور من سنه 2011 بتلعب بدون جمهور لاسباب مختلفه، وعاد الجمهور 2021 والموسم الحالي توقعنا ان يرتفع العدد الى 10 الاف، واعلنوا انه 3 الاف لكل فريق، فطبيعي منروحش كاس العالم وطبيعي منكسبش مش متعودين بيحضر لنا 2500 مشجع”.
وشددحتحوت:” نكمل المقارنة، السعودية بيعملوا مسابقه مين اكتر جمهور بيحضر مباريات لفريقه، والجماهير بتنافس علشان فرقهم تاخد لقب الاكثر حضور، المباراة الواحده بيحضر اعداد كبيره في السعوديه، فطبيعي ميتهزوش قدام جمهور وميتخضوش، عاملين نظام وماشين تمام”.
واكمل:”مباريات الكاس قلت من غير جمهور، يا ابني ايه الفرق بين الكاس والدوري، عاوزين نعود اللاعيبه على الجمهور، وتيحي تسأل السعوديه ليه بتكسب”.
واردف حتحوت:” نجاوب بمقارنه جديدة السعودية في المركز السابع بين الدوريات الاكثر تصدير للعيبه في كأس العالم بـ35 لاعب موجودين في الدوري السعودي، وبيلعبوا كاس عالم منهم 9 اجانب، فده بيخلي المدافع بيلعب أمام مهاجم دولي في نفس مستواه وهيشارك في كأس العالم زيه”.
واشار:” هل دورينا بيستقدم لاعيبه تتقل اللي قدامه، هناك فرق كبير في الملاعب، هل المسئولين قالوا بنحط خطة و1+1=2 ولا علشان عدد الدول هتزيد في مونديال2026 فكده كده رايحين”.
واوضح حتحوت: “طبيعي الدوري السعودي بعد وجود عدد كبير من المحترفين والملاعب والتخطيط الجيد والجمهور يفرز منتخب قوي”.
وزاد:” انتم عارفين ان من وقت تولي هيرفي رينارد تدريب السعوديه، غيرنا كام مدرب من2019؟، حوالي 5 مدربين، اجيري قعد سنه ومشي، وحسام البدري بعده سنتين ومشي، ورجعنا جبنا اجنبي اخر كيروش ومشي، وبعده ايهاب جلال 10 ايام ومشي، وجه اخيرا واحد اجبني واتقال عنده خطه”.
اختتم:” طبيعي يكون السعوديه منتخب كبير لان رينارد معهم من2019، وخططوا صح، واللاعبيه بقت حافظه بعض، لكن احنا كل نص موسم بتغير مدرب، ياللي زعلان وبتحتفل بالسعوديه ماتبص لنفسك وتقول ليه معملش كده ليه”.
