كشف جمال عبد الحميد عضو مجلس إدارة نادي الزمالك، السبب الحقيقي وراء الأزمات التي يعاني منها الفارس الأبيض.
وقال جمال عبد الحميد في تصريحات تليفزيونيه عبر قناة الزمالك: “لما مشي المستشار مرتضى كان في حاله من الركود داخل النادي، الموضوع مش سهل مشكلتنا الاساسيه هي انك اخدت الدوري والكأس”.
واضاف:” هتكلم بكل صراحه وكعضو مجلس إدارة واللجنه موجوده، دفعت مكافآت للعيبه ومحجزتش على الارصدة”.
وشدد:” محجزتش ليه واللجنه موجوده، الناس بتوعه منجحوش في الانتخابات، قالوا هنسيبه شويه لما مياخدش بطولات، لان في ايقاف قيد وازمات، وقتها ندخل تاني، ولكن اخدنا بطولات وكسبنا الاهلي لالا هينجح، ندخله في القضايا وكل يوم محكمة”.
وتابع عبد الحميد: “كسبت الاهلي دي بطوله خاصه والبطوله العامه الكاس، وبيطلع المتزملكين متفرحوش عندنا دوري ولسه في ماتشات منفرحش ليه بالكاس”.
واوضح:”فريق الباسكت بيقع، اليد افضل فريق في افريقيا قدموا شكوى ده حقهم لانهم عندهم التزامات”.
واكمل عبد الحميد:” عرفوا يوقفوا النادي،اخدنا 90٪ من البطولات الموسم الماضي، طلع المستشار مرتضى بكل تواضع وقال بمد ايدي لكل الناس، لا لازم نحجز وتضيع انت زملكاوي ازاي”.
واختتم:” كده الموضوع مبقاش زمالك لا حاجه شخصيه، الموضوع كبير ولازم الدوله تتدخل لان في كيان كبير بيقع”.
