تحدث حازم إمام عضو مجلس إدارة إتحاد كرة القدم المصري، عن فوز منتخبنا الوطني على بلجيكا وديا اليوم، وأوضح الفارق بين روي ڤيتوريا المدير الفني للفراعنة وكارلوس كيروش المدرب السابق لمصر.
وقال حازم إمام في مداخله هاتفية ببرنامج الحكايه عبر قناة إم بي سي مصر: “الحمدلله على الفوز يارب دايما مبروك، وبنفرح ان الناس مبسوطه بالاداء والمكسب وده كله شغل الرجل والجهاز واداء اللعيبه الرجاله”.
وأضاف:” في فتره قليلة ظهر اداء جيد وهذا هو 3 ماتش نلعبه، وتقدم مباراة جيده امام بلجيكا منتخب قوي ومرشح لكأس العالم وتنصيفه الثاني على العالم ، كان عندي يقين اننا هنقدم ماتش كويس، وثقتي كانت في محلها وبدايه لمشوار جيد واداء كويس والنتيجه بتاعث ربنا وبنوعد بتقديم اداء جيد”.
وشدد إمام:”كيروش كان مدرب عظيم وكل واحد له فلسفته، اليوم كان في ضغط وبناء هجمة مش بيلجأ للكره الطويله، فيتوريا بيلعب كرة للامام، وبيهاجم، ومن 80 ماتش لم يتعادل، لاما يكسب اويخسر، وبيحب يلعب كره هجوميه، حاطط طريقة لعب لقدام ومش خايف”.
واوضح:” محمود حمادة لاعب جيد وظهر كأنه لعب مباريات كثيرة، وربنا يوفقنا والفوز يعطي فيتوريا ثقه والناس تثق فيه وهيفرق معه جدا، لان الشعب المصري الاداء بالنسبه اهم”.
وواصل إمام: “االشناوي كان بيلعب الكرة برجله بشكل متقن كان لاعب كرة وليس حارس، عندنا الامكانيات، وهذا ماتش ودي بدون ضغوط، وعندنا اسماء كبيره منهم صلاح اللي بنبارك له على جائزة افضل لاعب وسافر الامارات وعاد، وقلبه على المنتخب وموت نفسه، وكل اللعيبه حتى اللي بره روحهم حلوه ومبسوطين”.
واختتم:” كل العيبه مبسوطين ان الناس مبسوطه، وعاوز اشكر الجاليه المصريه هنا بالكويت بسبب الدعم، وكأننا بنلعب في مصر، وفيتوريا بيقولي اول مره اشوف كده، واهل الكويت كمان ناس محترمه وبيحبونا وحطونا فوق دماغهم كأننا في مصر”.
