فتح أحمد حسام ميدو النار على إتحاد الكرة المصري وذلك بعد فشل منتخب الناشئين في التأهل لامم إفريقيا تحت17 عام ةالخسارة أمام المغرب.
وقال ميدو في تصريحات تليفزيونيه ببرنامج الريمونتادا عبر قناة المحور: “الحقيقه لو اتفرجتوا على ماتش المنتخب محبط في كل شئ، فرقة المغرب فريق عادي جدا، ولكن منتخبنا سيئ على كل المستويات ولست متفاجئ بهذا المستوى”.
واضاف:” مايحدث في منتخبات الناشئين نتيجه الاهمال الكبير في التأسيس، احنا بنهمل في حق ولادنا، في2 او3 لعيبه مبشرين ولكن باقي المنتخب ليس لديهم اساسيات كرة القدم، مش متفاجئ لان هذا نتيجه نظام كروي فاشل في مصر منذ سنوات”.
وشدد ميدو: “الولاد مش عارفين يستلموا ويسلموا الكرة، وفيهم لاعب عنده التصاق في الفخذين، اتفرجوا تاني جايز انا مجنون، عندك اجيال مش عارفين اساسيات كرة القدم”.
وواصل:”شاهدت ملخص لمباريات جيل كاس عالم 97 علشان اقارن بينهم وبين المنتخب الحالي علشان اعرف احنا وصلنا فين، احنا روحنا في داهيه واضح وصلنا لفين حال الكرة في مصر اتدهور، في 3 او4 كويسين مش هقول اسماء علشان الولاد الباقين”.
واردف ميدو:” دول وقفة مدرسة اطفال، مش لاعبي منتخب مصر، هل هؤلاء افضل اللاعبين في مراكزهم؟، مش هقول الفاظ خارجه علشان الناس كلها زهقانه من الالفاظ الخارجه”.
واوضح: “شيكابالا وجمال حمزة ورمضان صبحي في السن ده كانوا اساسين في الزمالك والاهلي هل ده تأسيس ولادنا، نفسي اتحاد الكرة يهتم بكلامي ومش ياخدوا كلامي ويبعتوا لبعض ويقولوا شوفوا ميدو بيقول ايه”.
واختتم:”بقول لاتحاد الكرة هل انتم شاهدتم المنتخب قبل التصفيات، يجب ان تفعلوا شئ لمصلحة الكرة المصرية، ده وقت الثورة الكرويه في مصر ويجب ان تقودوا هذه الثورة، اتحاد الكرة صامت امام مايحدث في قطاعات الناشئين من تزوير اعمار اللاعبين ومخالفات”.
