فتح الإعلامي خالد الغندور، النار على الإعلام بسبب إمام عاشور، لاعب الفريق الأول لكرة القدم بنادي الزمالك، ومحاولاتهم لاثارة الازمات بشأنه ونشر الشائعات.
وقال خالد الغندور في تصريحات متلفزة بقناة الزمالك:” الزمالك من بدايه الموسم مش هو الفريق اللي انهى الدوري اللي فات، وده يخلينا نسأل ليه؟، من الواضح ان الزمالك لم يحصل على راحه سلبيه ولافيريرا اخد اجازة وسافر البرتغال، وهو رجل بروفيسور ومحتاج وقت يحفظ اللعيبه ومكنش موجود الوقت ده”.
واضاف:” الموسم اللي فات كانت اصابتنا خفيفه رغم عدة وفرة اللاعبين، الموسم الحالي الاصابات غريبه وكتيره، هل ده سببه تلاحم المواسم؟، وهل هي تراكميه، ولا اخدوا عين بسبب الدوري والكأس؟ “.
وشدد الغندور:”من حقنا نزعل ونعلق على الصفقات وفيريرا واللاعبين ولكن كلنا ندعم الفريق
واوضح:” في اتجاه لدى الاعلاميين بصنع مشكله في الزمالك ويكبروا اي حاجه بتحصل، امام استبعد يجي يقولك متمرد بسبب عقده، وان الوردي بياخد اكتر منه وهذا كلام عاري من الصحه”.
واكمل الغندور:”الاعلام عاوز يخلص على امام عاشور علشان موهبه فذه، زي ماعملوا مع محمود علاء اللي كنت ضد انه يمشي”.
وتابع:” عمر ما الـ10صفقات هيكونوا مؤثرين هذا طبيعي في كرة القدم، زي مافي سلبيات هناك ايجابيات منها ارتفاع مستوى عمر جابر وظهور مصطفى شلبي بشكل جيد واصبح لاعب مؤثر”.
واردف:” ان شاء المصابين يرجعوا على اول ماتش امام المصري بعد شهر، ويكون في فترة اعداد قويه ويقفوا علي رجلهم، ومش عاوز الناس تدوس على الفريق، احنا فقدنا نقطتين، وده امر يزعل لان مستوى اللياقه البدنيه كان منخفض، وفيريرا عارف وبيتعلم”.
واستطرد الغندور:” الايجايبات ان امام بعد ماسمع كلامنا رجع عن صبغ شعره وحضر الماتش كاعتذار للجميع، امام لاعب مميز وبيحاول جمهور المنافس يخلص عليه”.
واختتم رسالتي لامام عاشور:” انت لاعب مهم جدا يا امام، انسى اللي فات والتزم تماما واذهب الي التمرين في ميعاده، وركز، حياتك هي كره القدم والسنه اللي بتعدي مبترجعش تاني، ولللاعبين ركزوا ونرجع الزمالك المتوهج، واحنا متقبلين كل شئ منكم”.
