فجر الإعلامي خالد الغندور مفاجأة صادمة تتعلق بالفريق الأول لكرة القدم بالزمالك، والجهاز الفني بقيادة البرتغالي جوسفالدو فيريرا.
وقال خالد الغندور في تصريحات ببرنامج زملكاوي عبر قناة الزمالك:” من خلال قناة الزمالك، لازم اقول الحقيقه حتى لوصادمه، المستشار مرتضى قال القادم اسوء، ومش عارف ينفع اقول الكلام ده ولا لأ”.
واضاف:” لعيبة الزمالك لها جزء متاخر من مستحقاتها، والحهاز الفني ماخدش مرتبه الشهر اللي فات، ولا الشهر ده، وكذلك لعيبة الصالات مش بياخدوا مستحقاتهم”.
وشدد الغندور: “سببكم من الانتماء اي منظومه نجاحها مرتبط بالاموال، هناخد بطولات ازاي؟، ومفيش فلوس”.
وتابع:” الماتش اللي فات امام المصري، كنا ناقصين فرقه واصابات كتير منهم شيكابالا وعبد الشافي ودونجا ونداي، غير ان زكريا الوردي نفسيا مش مبسوط”.
واكد الغندور: “احنا مجبرين نلعب مع المصري في برج العرب ونلعب بالاسماعيليه وغيرنا لا، ونواجه فرق صعبه في الكأس، وبنسعى رغم كل المعوقات من اجل حصد البطولات”.
واوضح:” مفيش فريق كره في الدنيا يلاقي كميه المعوقات دي وينجح، لكن عندنا لعيبه رجاله، وجهاز فني محترم، ومجلس ادارة بيحاول تخطي كل الصعوبات”.
واستكمل الغندور:” لو استمر الوضع اكتر من كده هيكون في عدم ثبات بمستوى اللاعبين، لان لديهم التزامات ماليه، ومحتاج المقابل، وشهر ولاشهرين هيأدي وحش والجمهور يشتمه ويقول ماخدتش فلوس والامور تسوء، وربنا يستر على كل الالعاب في الزمالك فريق اليد بالكامل قدموا شكوى”.
واختتم:” قلقان على الزمالك والفرق الرياضية، لان الرياضه اصبحت فلوس، ولومفيش معك تدفع للاعبين والاجهزه الفنيه مفيش نجاح، الوضع صعب يستمر كده لوحد ممكن يسيب المركب تغرق لان مفيش حل، نفسي الزمالك يحصل على الدوري للسنه الـ3 لكن لو استمر الموضوع كده مفيش بطولات”.
