حرص الإعلامي خالد الغندور على توجيه رسائل ناريه للاعبي الزمالك والجماهير وذلك عقب التعادل أمام إنبي وخسارة نقطتين في سباق الدوري.
وقال خالد الغندور: “كلنا زعلانين وانا واحد زعلان وعارف ردود افعال الزملكاويه على التعادل، كرة القدم ليست فهلوه، تغييرات انبي ايجايبه عكسنا، واضعنا انتصار سهل”.
واضاف:” رب ضارة نافعه، وممكن جمهور الزمالك يفضفض ويتنقد المدير الفني، لاننا كنا افضل في الشوط الاول، ولكن التغييرات كانت سيئة، ومنها الجزيري الي كان تغيير عجيب وغريب، رؤية فيريرا لم تنجح اليوم بالتغييرات”.
وشدد الغندور:” الزمالك من بدايه الموسم مش هو الفريق اللي انهى الدوري اللي فات، وده يخلينا نسأل ليه؟ من الواضح ان الزمالك لم يحصل على راحه سلبيه ولافيريرا اخد اجازة وسافر البرتغال، وهو رجل بروفيسور ومحتاج وقت يحفظ اللعيبه ومكنش موجود الوقت ده، وفترة التوقف ستساعده في ذلك”.
واوضح: “الموسم اللي فات كانت اصابتنا خفيفه رغم عدة وفوة اللاعبين الموسم الحالي الاصابات غريبه وكتيره وهل ده سببه تلاحم المواسم
ووجه حديثه للجمهور قائلا:” تدعم ونساعد خليك في السوشيال داعم لفرقتك، لان اللاعبيه بتابع، شوفوا ليفربول واليوفي واتلتيكو مدريد خرج من بطولتين والريال تعادل مع فريق في المركز الـ15″.
واكمل الغندور: “لاعبي الزمالك، انتم رجاله وفرقه تقيله والاضافات معظمها لعيبه تقيله، ومع الشغل والاراده وتحت مسمى ندفع بعض للامام وعودة المصابين هنكون احسن”.
واردف:” مباراة وانتهت موضوع مش سهل على البعض ان الزمالك ياخد2 دوري محدش يحبطنا الزمالك لو في الفورمه افضل واقوى فريق في مصر رافريقيا، ومع الفورمه دي ينقصنا الروح والتوحد”.
واختتم:” الدوري لسه طويل،متبقي 34 اسبوع، اللي بيجمع نقاط اكبر بياخد اللقب لسه بدري علشان نكلم على فرق النقاط، فورمتنا مش كويسه والنتايج غير مرضيه”.
