رد احمد عبد الحليم لاعب نادي الزمالك السابق، على منتقدي البرتغالي جوسفالدو فيريرا المدير الفني للفارس الأبيض، ودافع عن نجم خط وسط الفريق.
وقال أحمد عبد الحليم في تصريحات تليفزيونيه عبر قناة الزمالك:” في تبعات بتحصل بعد الديربيات، امر طبيعي بعد خسارة السوبر يحصل هزه، وبالاضافة للغيابات التعادل امام إنبي امر جيد بعد الخسارة من الاهلي”.
وشدد: “بزعل من بعض جماهير الزمالك على الفيسبوك بسبب انتقادهم للاعبين وتقييمهم لهم وهم لم يمر وجودهم على الزمالك كثيرا، روقا موجود في الزمالك منذ 4 سنين، وكان مرشح للرحيل الان اصبح من اهم
اللاعبين بالفريق”
واوضح عبد الحليم؛: “ممكن لاعب جاء في وقت اهتزاز فني فصعب نقيمه بعد مياراة او2 او3″.
وتابع:” زكريا الوردي بيلعب بعنف وعاوز يهدى، وبيوصل لمرحله الخشونه، وواضح انه لما بياخد الانذار بيتوتر، هو بيلعب كره في مساحه كبيرة من الملعب، وبيساعد اللعيبه، وعنده كره كويسه وعاوز يطلعها كلها في وقت واحد”.
واردف عبد الحليم:”جماهير الزمالك بتفهم كره وصعب ان نحكم على لاعب بشكل سريع، فرجاني ساسي وبن شرقي اخدوا وقت لحد ما اتعرفوا واصبحوا نجوم فوق العاده”.
وواصل:” بن شرقي بدايته لم تكن قويه مع الجزيره الاماراتي، واخر مباراة تألق والمعلق قال اصبح بن شرقي الزمالك”.
وزاد:” فيريرا كنا بنحلل المباريات وبنتعلم منه واحنا بنتفرج، ايه المشكله ان فيريرا غلط؟ هندبحه لما يغلط؟، الاحكام بالمدد مش مباراة او اتنين”.
واختتم:” عيب حد يقول فيريرا يمشي، وميصحش ان اتكلم في راي زي ده، ده من وحي الخيال ورئيس النادي حسمها انه مستمر”.
