“لو اتكلمت محدش هيقعد على الكرسي”.. مصطفى يونس يفتح النار على إدارة الأهلي ويهددهم بنشر الفضائح

فتح مصطفى يونس نجم الأهلي السابق النار على مجلس ادارة الاحمر برئاسة محمود الخطيب، وهدد بفضح مايحدث داخله، وشدد انه لو صرح لما لديه لن يبقى احد في منصبه بالقلعة الحمراء.

وقال مصطفى يونس في تصريحات تليفزيونبه ببرنامج زملكاوي عبر قناة الزمالك: “انا كنت بمشي كل اللي في الاهلي دول، انا بنتمي للكيان مش لاصنام العجوه، انا عارف افرق بين قائد بيدافع عن النادي وقائد سايبها كده، ومش بطبل لمرتضى، وممكن تكون اخر حلقه لي في قناة الزمالك”.

وشدد:” المستشار مرتضى محترم تعالي نشوف الظروف هنا وهنا، نادي محجوز على ارصدته وبيعاني، وبيعمل ايه مع الجمعيه العموميه وابناء النادي وفي العضويات ومع العمال وشوف هناك عندنا بيحصل ايه

واكمل يونس:* تعالى ادخل الزمالك وشوف مرتضى عمل ايه الف ليله وليله، وشوف عندنا الناس كلها يتشتكي، مرتضى منصور بيعمل للموظفين الكثير مش بياخد فلوسهم عندنا الموظفين يعانوا”.

واضاف:” للاسف الجمعيات العموميه غير مفعله في كل انديه مصر واتحاد الكرة، ولو عندنا ناس تخاف على النادي محدش هيقعد على الكرسي، بسبب ما يحدث داخل الاهلي، مش عاوز اتكلم”.

وتابع يونس: “مرتضى بيخفض التذكره للجمهور لان الكل بيعاني وبيوفر مواصلات ووجبه وبيدفع مرتبات، انا بشبه مرتضى بصدام حسين ولو مرتضى مشي من الزمالك هيقع”.

وزاد:”انا قلتها سابقا مرتضى منصور بقى ينافسنا وبيجيب صفقات، وحق الزمالك محدش بيجي عليه، مش استخبى تحت السرير او اهرب بره، مرتضى مبيدفعش للناس علشان يشتموا ولاد النادي”.

واستطرد يونس:” انابشتغل هنا لان ده اكل عيش ولادي، ولا بيعت ارض ولا اتهزأت من سمسارة اه اخدت ساعات لكن انا مش في منصب بالاهلي، كابتن صالح اخد سيف ومحدش كان عارف الامير عبد الله علاقته به ايه، اللي بيجيب الفلوس للاهلي مش هم اسم الاهلي هو اللي بيجيب الفلوس”.

واردف:” الزمالك لما راح قطر اللعيبه كانت لابسه تيشرتات عليها صورة السيسي، الاهلي راح قطر اتهتف ايه بيب بيب وابوتريكه، وكلمني ناس من الاجهزه المعنيه وقالي ينفع تروحوا قطر ومترفعوش علم مصر”.

واوضح:” انا بقعد اسمع واحد بيدافع عن كيانه مش واحد تاني الكيان اللي اتهز وبيدورا على مصالحهم الشخصيه، لاول مرة الاهلي يهان، عليا الطلاق بالتلاته واحد كلمني صالح سليم خايف ع الاهلي يتهان”.

واستكمل: “انا لو اتكلمت هتحصل مصايب وبلاوي و الموجودين ولايفرقوا معايا، انا مش لقيط هم اللي لقطاء وبينهبوا من النادي الاهلي، واحد كان ببقبض من 300 جنيه دلوقتي بيتحكم في مصيره”

واختتم:” انا ابن الاهلي والشباب اللي لسه متولدوش انا كنت سايق كل دول وبياكلوا عيش من ورايا، ولما بكلم كلمه القيامه بتقوم وده تأثير مصطفى يونس، محدش بيحب النادي الاهلي، انا سعيد بسمع واحد وطني بيحافظ على كيان ناديه واسمه مرتضى منصور”.