كشف المستشار مرتضى منصور رئيس الزمالك عن سبب صادم لعدم ظهوره على قناة النادي اليوم، بعد الإعلان عن تواجده في برنامج زملكاوي.
وقال مرتضى في فيديو تم بثه عبر قناة الزمالك:” كان في برومو بينزل ان طالع في القناة النهارده بس انا زهقت من تكرار الكلام عن ازمة الحجز على ارصدة النادي من ممدوح عباس”.
واضاف: “بعتذر للمشاهدين اللي زهقوا من كثرة تكرار الكلام عن ممدوح عباس وانه حصل على مستحقاته، انا حاليا بفكر اجيب المرتبات ازاي والفرق اللي بقى لهم3 شهور مقبضوش”.
وشدد مرتضى:”انا شخصيا زهقت والمشاهدين زهقوا وقولت الكلام كتير وقدمت المستندات وعندنا شيكات انه صرفها، الناس حافظه اللي بقوله، مفيش جديد مع احترامي للبرومو اللي بينزل هقول ايه، هاخد الشنطه واطلع النادي المنافس بيتريق ويقول النادي بيفلس”.
واردف:” الموضوع زاد عن حده، انا طلعت علشان ميقولوش حد منعني انا قرفان جدا جدا وانا جوزاء فحالتي المزاجية سيئة، هطلع اقول ايه “.
واوضح مرتضى:” كل الناس بتقول حسبي الله ونعم الوكيل في عباس عاوزين تحقيق، اعذروني انا في النادي اهو ومكنتش عاوز اقول الكلمتين دول”.
وزاد مرتضى:” قعدت مع الوزير ساعه ونص وبيحاول يحل، وانا رافض اخد قرض والنادي المنافس مطلع ميزانيه انه عنده فائض، ازاي وانت واخد قرض”.
واستطرد:” على فكره ياحسين يالبيب انت وطارق قنديل انا لوفكرت اطلع بكره همسحك بالمستندات، الدنيامقلوبة علينا ولجان الخطاب شغالة علينا وانت مطلع بيان تشتمنا، علشان قولت ان ممدوح عباس خدت 12 مليون في عهد اللجنة بتاعتك””.
واكمل مرتضى:” بفكر اطلع بكره، انا دماغي مشغوله اجيب فلوس منين ازاي، ان شاء الله الحالة المزاجيه تتعدل واطلع، الناس عايشه في جو رومانسي في النادي، واناقاعد بفكر احيب فلوس منين”.
واشار: “عيب الي بيعمله سيف الوزيري كيد النسا لتمضي ب16 او17 مليون، وتعملوا مؤتمرات انتم بتغيظ مين؟ “.
واستكمل:” طالع بكره باذن الله، اسهل حاجه اقعد في بيتي لان التاريخ هيشهد ان بنيت النادي والحمدلله
حصلت على بطولات اكتر من40 او45، لكن دي معركه العدل والحق ومكمل فيها، ودي معركتكم انتم كجمهور، النادي اموره مستقره، لكن لو اللاعبيه مش هتقبض هتمشي ومفيش بطولات وانت هتطلم وانا بحذر واقول اقف ورا ناديك مش تقف ورايا، حد بيقول ربنا ينصرك يامرتضى، انا ربنا نصرني كمرتضى ربنا ينصركم انتم والنادي”.
واختتم:” كل تركيزي ازاي اقبض الموظفين واللاعبين انا من يومين منمتش لان انا قائد السفينة، عمر ماشوفت قائد سفينه بيتخلى عنها وقت الاعاصير، لكن دي معركتك انت واللي بيقولوا دماغنا وجعنا ودي مشكلتك انت، لا اللاعبين مش هتاخد فلوس هتمشي ومش هيبقى في بطولات وانا واحمد وامير من يوم مادخلنا النادي متطوعين”.
