مرتضى منصور يوضح سبب غيابه عن قناة الزمالك ويتوعد لبيب ويفضح مخطط الخطيب – فيديو

نشر المستشار مرتضى منصور رئيس نادي الزمالك فيديو جديد عبر قناته على “اليوتيوب” وقناة الزمالك، أوضح من خلاله سبب عدم ظهوره الذي كان مقررًا مساء الخميس.

وتوعد مرتضى منصور الكابتن حسين لبيب رئيس لجنة الزمالك السابق بفضح تصريحاته الأخيرة في حال ظهوره عبر قناة الزمالك مساء اليوم الجمعة، مؤضحًا السبب الحقيق وراء تأخر مجلس الأهلي في دفع غرامة الهارب كهربا.

وجاءت أبرز تصريحات مرتضى منصور كالتالي:

– لم يحدث جديد في أزمة الحجز على أرصدة النادي في البنوك، واتكلمت كتير في الموضوع دا ومعنديش أي جديد

– حالتي النفسية لا تسمح بظهوري في التليفزيون اليوم، ولكن أنا سجلت الفيديو دا عشان محدش يقول أنني ممنوع من الظهور، وأنا بكره طالع بإذن الله

– أنا مبنامش من 48 ساعة لأني قائد سفينة بتغرق، والركاب منهم اللي بيشتمني ومنهم اللي مع ممدوح عباس ومنهم اللي مع الأخ التاني

– أطلب من جماهير الزمالك الوقوف بجانب ناديه في الوقت الحالي، والإدارة تسعى لحل أزمة مستحقات العمال واللاعبين خلال الساعات القادمة

– غرامة عدم حضور الجمعية العمومية ستكون 1000 جنيه ويارب ما ييجوا عشان ألم 70 ولا 80 مليون جنيه من وراء غيابهم

– لو فكرت بكرة أطلع على قناة الزمالك همسحك يا حسين يا لبيب، انت وطارق جبريل بالمستندات

– الخطيب مش عايز يدفع غرامة كهربا علشان ممدوح عباس عامل للنادي أزمة مالية وهو طبعًا هيوقل أن ليه أفك أزمة الزمالك المادية

– حصلت على بطولات اكتر من 40 او 45، لكن دي معركه العدل والحق ومكمل فيها، ودي معركتكم انتم كجمهور

– كل تركيزي ازاي اقبض الموظفين واللاعبين انا من يومين منمتش لان أنا قائد السفينة

– لو مطلعتش بكرة على قناة الزمالك اعرفوا أن مش عارف برج عطارد دخل على برج إيه والمزاج لسه مش مظبوط، وعلى العموم كذب المنجمون ولو صدقوا

شاهد: