أعلن المستشار مرتضى منصور رئيس نادي الزمالك، عن قبوله تقسيط غرامة الهارب محمود عبدالمنعم كهربا، جناح النادي الأهلي والفارس الأبيض السابق بشرط أن يقوم محمود الخطيب رئيس الأهلي بالحديث معه.
وكان الاتحاد الدولي لكرة القدم قرر إيقاف محمود عبد المنعم كهربا لمدة 6 أشهر بسبب عدم سداد الغرامة المستحقة عليه لصالح نادي الزمالك بعد فسخ التعاقد من جانب واحد.
وقال ” مرتضى” :” بقول لـ أشرف عبدالعزيز محامي كهربا اللى بيقول إن غرامة كهربا اللاعب عليه النص فقط مش عارف جاب النص ده منين، خاصة وإن بند الغرامة واضح انها على اللاعب وبقوله لو كده اطلع قول ووضح الكلام ده في قناة الزمالك”.
وأضاف “مرتضى” في تصريحات على قناة “الزمالك” :”أتصور لو علاقة بين الأهلي والزمالك محترمة كان الموضوع هيتحل، والأهلي كان هيقول ايوة احنا اللى هربنا اللاعب وهندفع جزء من الفلوس دلوقتي وجزء بعد شهر مفيش مشكلة”
وتابع :”الموضوع سهل الكابتن الخطيب يرفع سماعة التليفون يقول استاذ مرتضى احنا غلطنا واللاعب غلط واحنا عندنا أزمة مالية وهندفع جزء من الفلوس دلوقتي وجزء بعد فترة، ومش عايزة يعتذر”
وكان المستشار مرتضى منصور قد أعلن أكثر من مرة عن عدم قبولة مبدأ تقسيط غرامة كهربا وقبول الأموال دفعة واحدة.
