مهيب عبد الهادي يهدد إتحاد الكرة بفضح المسكوت عنه في منتخب مصر.. ويؤكد ڤيتوريا مستاء من الأوضاع
هدد الإعلامي مهيب عبد الهادي، بفضح المسكوت عنه في منتخب مصر الاول، وشدد ان روي ڤيتوريا المدير الفني للفراعنة مستاء مما يحدث.
وقال مهيب عبد الهادي في تصريحات تليفزيونية ببرنامج اللعيب عبر قناة إم بي سي مصر: “واحنا قاعدين اتحاد الكره صدر لنا ازمه، واتبعت لنا اخبار من داخل الاتحاد ان ميكالي مش عاوز الحضري بسبب اختلاف على عدد الحراس”.
واضاف:”الحضري مش اللي يتعمل معاه كده، لانه اسم كبير، انت تصدر مشكله وتحلها، لا مش بمزاجك مين بيدير الاتحاد والكره المصريه، المفروض نسكت على اللي بيحصل ده في التمانيات ده كان بيحصل”.
وشدد عبد الهادي:”صلح ايه وقعدة ايه، اللي ميعرفش يدير المنتخبات يقعد في بيته الموضوع مستفز، الناس اللي بتدير بتديروا ازاي وايه العقليه المعمليه الفذه دي”.
واكمل:” انت عملت كده، علشان تخف الضغط على اللي بيحصل في المنتخب الاول، ڤيتوريا مش مبسوط من القماشه اللي معه، وفي حالة عدم رضا بسبب اداء اللعيبه، ده نتائج عمايل اتحاد الكرة”.
واختتم: “بلاش تستفزوا الناس اللي فاهمه، بلاش دي اللعبة تاني، اللي حصل ده، ان هناك ازمة بين ميكالي والحضري، نمره من الناس اللي بيديروا المنتخب”.
