فتح أحمد حسام ميدو مقدم برنامج الريمونتادا، النار على منتقدي روي ڤيتوريا المدير الفني لمنتخب مصر، بسبب الاتهامات التي توجه له بسبب اختيار اللاعبين المنضمين للمنتخپ، وحذر من أمر خطير بشأن مدرب المنتخب مستقبلا.
وقال ميدو في تصريحات تليفزيونيه ببرنامج الريمونتادا عبر قناة المحور: “فين اعلاء منتخب مصر معظم الاندية الكبيره بتعلق على اختيارات اللاعبين،
من حق الناس تعلق فنيا وتقول لاعب لازم ينضم وتدافع عن لاعبها ومتفهم ده”.
وشدد:” النهارده مش هينفع نشكك في ذمم الناس المدرب بيداس عليه، وبيتقال انه بيسمع كلام عضو مجلس ادارة في اختيار لاعبته، انتم بتتهموه انه اراجوز ومهرج”.
وواصل ميدو: “هل تقبل ان يتقال فيريرا بيسمع كلام امير مرتضى، ولا تقبل يتقال ان كولر يسمع كلام حسام غالي متقدرش تقول ده، انما مدرب المنتخب مالوش ضهر، منتخب مصر عمره ماهيعمل حاجه ولا الجمهور هيفرح، لاننابنقبل بتوجيه الاتهامات له”.
واوضح:” الضغط على المدرب له حد ولوعديته بقي تشكيك وكلام ميصحش يتقال من مسئول”.
واكمل ميدو: “احد اهم اخفاقات منتخب مصر هو الضغوط الاعلاميه الرهيبه التي تمارس من الزمالك والاهلي على مدرب المنتخب”.
وزاد:” كلكم فاكرين الاهلي وضغطهم على كابتن جوهري بسبب طاهر ابوزيد، ومحسن صالح لما مسك المنتخب داسوا عليه”.
واستطرد:” اعلام الزمالك صدر لجمهور الزمالك ان حسن شحاته بيتعمد اختيار لاعبي الاهلي، علشان يفوق الاهلي، وبيتعمد مياخدش حازم امام وشيكابالا علشان ميعلوش، وده شغل شيطنه وعملوا للناس غسيل مخ”.
واختتم:” افتكروا كلامي كويس في مناصب بمصر تقدر الناس تشتغلها، لكن بترفض وتقول امسك سلك الكهربابايديه، ومنصب المدير الفني للمنتخب هيوصل للمرحله دي علشان مفيش سيطره على الكلام وهيتقال هتمسكني السلك عريان ليه”.
