فجر أحمد حسام ميدو مقدم بزنامج الريمونتادا، مفاجأة مُدويه بشأن موقف إمام عاشور لاعب الفريق الأول لكرة القدم بنادي الزمالك من تجديد تعاقده مع الفارس الأبيض.
وقال ميدو في تصريحات تلبفزيونية ببرنامج الريمونتادا عبر قناة المحور:”إمام عاشور استبعد من مباراة انبي لاسباب غير فنيه، وتمت جلسه بين فيريرا والاعب في وجود امير مرتضى، وإمام اعتذر ووعد انه هيكون اكثر التزاما، وفيريرا قاله انت تقدر تلعب في اوروبا لكن بشرط تهتم بعقليتك وتكون اكثر التزام”
واوضح:” امام عقده مع الزمالك لسه مستمر موسم جديد وبقيمة2 مليون جنيه في السنه، هو جدد عقده في فترة الكابتن حسين لبيب بـ8 مليون ومتوثقش العقد، والادارة الحالية عرضت على إمام التجديد بنفس القيمه لكنه رفض، وقال قيمتي اكبر من8 مليون”.
وشدد ميدو:” بالتزامن مع موضوع تجديد عقده إمام اتاخر عن التدريبات اكتر من مره، فيريرا انذره وامير طبطب عليه، وشيكا كلمه، لكن استمر في عدم الالتزام، والتأخير دليل عدم الاهتمام، ولما بيتكرر المدرب بيتجنن”.
وتابع:”موضوع امام الناس اختصرته في موضوع صبغ شعره اه فيريرا اتضايق بسبب التوقيت لانه بعد خسارة السوبر وزمايله في الفريق اتضايقوا”.
واضاف ميدو: “ادارة الزمالك اتفقوا هيقعدوا مع امام بعد العوده من المنتخب لتجديد العقد بمبلغ يليق به، ولازم ياخدوا بالهم من موضوع تجديد عقد امام محتاج عقد بالمسطره لانه احسن لاعب خط وسط في مصر”.
واكمل:” لازم امام يقدم مايضمن التزامه تجاه النادي، مع تقديره ماليا، ولابد ان يتأكد الزمالك انه عقده مشروط لازم متبقاش فلوسه مضمونه في العقد، لانه لو اخد فلوس كتير في ايده مره واحده الامور هتتلخبط”.
واختتم: “المفروض امام ياخد مقابل البطولات والالتزام، ويكون عقد مناسب لشخصيته ومحتاج يتعمل صح لو اخد الفلوس كلها وعملتوا كده، امام مش هتشوفوه تاني انسوه، الزمالك لازم يجدد بشروط تحفظ حقوق الزمالك واللاعب”.
