شن المستشار مرتضى منصور رئيس نادي الزمالك، هجوم ناري على حسين الشحات لاعب الأهلي، بعد تجاوزاته ضد محمود شيكابالا قائد وكابتن الفارس اثناء مباراة السوبر.
وقال مرتضى منصور في مداخله هاتفية بقناة الزمالك: “دخلنا في قصة مرتضى وفيريرا قولت انا في ضهر فيريرا، دخلوا في موضوع امام عاشور وقالوا متمرد لقوا امام في التمرين”.
واضاف؛” قالوا شيكابالا هيتوقف، وهو اللي اتشتم من الشحات، وهو فعلا شحات هو واخوه، انت تطول جزمة شيكابالا؟ تاريخ جزمة شيكابالا اللي جاب بها الاهداف ولعب بها بتاريخك كله”.
وشدد مرتضى:”شوبير ده وصمة عار في الاعلام احنا معك ومش هنسيبك مادام بتطلع شائعات كاذبه عن الزمالك،في حرب قذره ضد الزمالك وانا قدها واللي هيقل ادبه هتصدى له”.
إقرأ أيضًا.. بالفاظ +18 .. عضو مجلس إدارة الأهلي يتطاول على مرتضى منصور وقناة الزمالك – صورة
وواصل: “الولد احمد شوبير كلمت سيف الوزيري عنه الولد مش عاوز يبعد عن الزمالك، ووصمه عار في تاريخ الاعلام المصري، بيقول الزمالك كان له حسابات بيصرف منها ممكن تجيبهالي”.
واوضح مرتضى:” الحجز بيروح لمحافظ البنك المركزي ممدوح عباس عارف بيعمل ايه، عاوز يخرب بيروح للبنك المركزي يحجز على كل الارصدة”.
إقرأ أيضا.. صدمة جديدة للهارب كهربا في الأهلي!!
واردف:” اتحداك ياشوشو لو لينا جنيه في بنك تاني غير بنك مصر، ابعد عن الزمالك”.
واشار: “اتقال قناة الزمالك هتقفل، ايه الحرب القذره دي، دي قناة ملكي ولاملك والدتي دي، قناة ملك الملايين”.
واختتم:” حرب قذره وكل يوم اشاعه، مكنش سوبر ده، ياجماعه انا باركت للاهلي ولا قولنا اني ممنوع من السفر، ولا روحت لعبت بالملعب اللي اختاره يعقوب السعدي وله حساب معايا”.
