“هو أحنا هنضحك على بعض”.. رضا عبد العال يفتح النار على فيتوريا بعد إعلان قائمة منتخب مصر.. ويؤكد لاعب الزمالك الأفضل في مركزه !!
فتح رضا عبد العال لاعب الأهلي السابق، النار على روي ڤيتوريا المدير الفني لمنتخب مصر، بعد إعلان قائمة الفراعنة لمعسكر نوفمبر الحالي، وشدد ان لاعب الزمالك هو الافضل بمصر في مركزه.
وقال رضا عبد العال في تصريحات تليفزيونيه ببرنامج اللعيب عبر قناة أم بي سي مصر: “احنا هنضحك على بعض، ونلعب حواريني ياكيكه، حازم امام هو اللي بيبعت لفيتوريا الكشف باللاعبين”.
واضاف:” عبدالله جمعه لعب امتى اساسي ده لعب 10 دقايق علشان فيتوريا يقول ضميته بعد مشاركته اساسي مباراتين:”
وشددعبد العال:”عواد مستواه وحش ضميته ليه؟، لما عواد يرجع لمستواه ياخده، انت اترعبت وارتعشت من لجان الزمالك وجماهيره، وضميت عواد وريحت دماغك في لعيبه كتيره عليها علامات استفهام”.
وتابع: “لو مضمش عواد وعبدالله جمعه تحترمه لان في لعيبه لعبت وكويسه، خدت محمود علاء ليه كان حلو في الطرد، كان شكله حلو؟ في احمد حكم وخالد رضا”.
واوضح:” والمصحف جاله الكشف بالاختيارات، بمستوى كريم فؤاد اللي منضمش ووتضم عواد وعمر جابر”.
واكمل:”كولر خايف يطلع اكرم توفيق علشان ميقلبش له وشه فيلاعب كريم قدامه، رغم ان مركز كريم باك يمين، واكرم مبيعلبش اكتر من ربع ساعه”.
واختتم:” الماتشات شغاله وفيتوريا قاعد بيشوي وبياكل جمبري ومكبر دماغه، هو عمرو السيسي اصبح حلو دلوقتي لما لبس فانله الزمالك، رغم انه افضل لاعب وسط في مصر من الموسم الماضي، وقولت هذا الحديث عقب مباراة السوبر بين الجيش والأهلي”.
