أكد المستشار مرتضى منصور رئيس نادي الزمالك، ان الفريق الاول لكرة القدم مكتمل الصفوف، ولايحتاج الى لاعبين جدد في يناير.
وقال مرتضى منصور في تصريحات تليفزيونيه عبر قناة الزمالك: “حد بيقولي اخبار الصفقات ايه؟، يا استاذي الفاضل عندنا كام حارس مرمى ومنهم 2 في المنتخب، و كام مساك 3،والونش طبعا والمثلوثي هل انا محتاج مساك؟”.
واضاف:” انتم اللي شتمتوا محمود علاء واحبطوه وجبتوه الارض، وقالي اروح العب ببلاش و دلوقتي في المنتخب، وعبد الله جمعه في المنتخب، سيبوا اوباما في حاله علشان يروح المنتخب”.
وشدد مرتضى:”مركز الباك يمين عندي المثلوثي وعمر جابر ونيمار، والشمال فتوح وعبد الله جمعه وعبد الشافي، هي طفاسة؟ “.
واكمل:” خط المنتصف في روقا وعمرو بيه السيسي ودونجا وامام عاشور وزكريا الوردي في 5 وبيلعب منهم اثنين.
واوضح منصور: “مش عاوز اقول خلي عندكم دم النادي مفيهوش جنيه، عندك جناح يمين زيزو وشيكابالا وشمال شلبي ونداي، مهاجمين سامسون والجزيزي واوباما ويوسف حسن وحسام اشرف وسيف جعفر”.
وواصل:” في ايه انتم؟، مبستريحوش ابدا، مبتهمدوش
انتم من غير الصفقات اخدتوا دوري وكأس، الرجل بيقول الاماكن واحنا نتعاقد، وعندنا كمان محمود شبانه وعبدالسلام كل ده موجود، لا هتجيب ايه، هات فلوس وانا اجيب”.
واردف:”عاوز ادعم اليد، ببارك للسله خسروا بثلاثيه”.
واختتم: “مدرب سلة الاهلي بيشير لجمهوره، الواد ده بيعمل كده ولسه موجود، فين القيم والاخلاق اللي في الدولاب، ايه اللي بيعمله اوجوستي ده مع جمهور الاهلي، اللي عمله ده يتعمل مع جمهور مصري؟، عاوزين نشوف دولاب القيم”.
