كشف احمد عبد الحليم محلل قناة الزمالك، سبب تأخر فوز الفارس الأبيض على البنك الأهلي، وتغنى بنجم وقائد الفريق محمود شيكابالا.
وقال احمد عبد الحليم في تصريحات تليفزيونيه عبر قناة الزمالك: “رقم واحد السبب في الفوز هو الجمهور وبهديه الفوز، المباراة اليوم الفوز اهم من اي شئ”.
وشدد:” انت بتقابل حلمي طولان مدرب من ابناء الزمالك، وبيعطي اهميه خاصة لمباراة الزمالك، وجاءت صعوبه المباراة من هنا، لان اللعيبه بتنفذ تعليماته وهو بيكون مركز أكثر عن اي مباراة اخرى”.
واضاف عبد الحليم: “الزمالك بدأ ضاغط ولكنه لم يستمر طويلا مما ادى لتماسك دفاع البنك، ونزول شيكابالا فرق وكان في قائد وولع الملعب، واشتغل على الجماهير، وقال الحلول من جوه مش فعاله فدور على حل خارجي وهو الجمهور”.
واكمل:” عواد كان بطل، وانت تيم كويس، لكن مش عارف غيرنا طريقه اللعب ليه، هو لعب2 مهاجمين والاعيبه لم تحفظ طريقه اللعب”.
واوضح عبد الحليم: “من رأي ان سامسون مش مهاجم ومش عاوز زحمه زيه زي يوسف اسامه عاوزين مساحات، على عكس شيكابالا اللي بيعرف يلعب في الزحمه”.
واردف:” انت كجهمور اعصابك بتتعب وانت بتتفرج والهدف اتاخر جدا، لوكان حصل التعادل كنا هنزعل لكن المفرح الفوز، وفيريرا هو من قام باشراك شيكابالا ودونجا وغير الشكل”.
واختتم: “دونجا فاهم كويس واجبات مركزه وكرته حلوه وبيوصل الباس افضل من السيسي، احناطمعانين في الفوز والاداء، لان امكانيات اللعيبه والجهاز الفني عاليه فمستني اداء ارقى، الزمالك كسب 3 نقط في ماتش مكنش فيه كويس”.
