علق مارسيل كولر المدير الفني للأهلي على فوز فريقه على طلائع الجيش، اليوم الجمعة ضمن منافسات بطولة الدوري العام.
وقال كولر في المؤتمر الصحفي عقب المباراة؛ “مبدئيا مفيش فريق بيقعد موسم كامل ميدخلش فيه اهداف ، في فرقه قدامك واحنا مش بنلاعب نفسنا ، الفرق بتأدي وتحاول وعندها حلول ولازم نتقبل ده”.
واضاف:” طول ما احنا بنكسب وبنجيب اجوال اكتر من المنافس انا هبقى مبسوط ، الريتم بتاع الفريق مبقاش هو زي قبل التوقف وهناخد وقت ، المسأله مش ريتم بس احنا رجعلنا لعيبه مصابه من المنتخب وده أثر علينا اكتر من التوقف .
وشدد كولر: “كمان انا بقعد ٣ شهور مع الفريق بقول نفس الكلام في الكوره، اللعيب نفسه بيحس ان الموضوع تقليدي فبتحتاج تغير النبره مع اللاعب عشان تجدد الدوافع عنده تاني .
واكمل:” حاجتين ممكن تفتكر انهم عكس بعض التركيز والشراسه على المرمى ، والهدوء ، احنا بنشتغل كل يوم مع الفريق سواء بالكلام او التدريب، علشان يبقى عنده الغل والشراسه على الجول، وفنفس الوقت يبقى عنده الهدوء امام المرمى ، بالفعل عندك حق كان ممكن نقتل الماتش ولكن للاسف صعبناها على نفسنا تاني .
واوضح كولر: “بالتأكيد الشوط الأول مكنش ده اللي انا طالبه من اللاعبين ولكننا قدرنا نعود الشوط الثاني”. .
واختتم:” انا قولت للشناوي اهدى واتبسط وافرح بالـ٣ نقط مكنش في اي عتاب”.
