كشف المستشار مرتضى منصور رئيس نادي الزمالك، عن صدمه جديدة للهارب محمود كهربا لاعب الأهلي، يشأن مدة إيقافه بسبب عدم سدادغرامة الفارس الأبيض.
وقال مرتضى منصور في تصريحات تليفزيونيه عبر قناة الزمالك:” ماتقولش الساعه متزعلش محمود الخطيب، تعرف ان جاله راعي بتاع ساعات ورفضه وبكلمك جد”.
واضاف:” تحذيري وانذاري ونصيحتي الاخيره لكهربا انت ضيعت نفسك في الهوا، انت مشيت ورا اسطورة ورق، ولما الاسطورة المزيفه اخدك قولتله كهربا هديتي له، كهربا ضرب سيد عبدالحفيظ واتخانق مع المؤدب المحترم الشناوي ودي هديتي لهم”.
وشدد مرتضى: “فين شبانه اللي اتعين في مجلس الشيوخ حد يقولي السبب، قال معايا مستندات ان كهربا هيدفع النص وحاطط جزمة في بوقه لما خطاب الفيفا جه”
وتابع:” كهربا اخد حكم بـ32 مليون جنيه في شهر مارس، واتظلم واحنا اتظلمنا واتحكم عليه بـ2 مليون دولار بالفوايد وحاليا الغرامه تخطت الـ80 مليون معناه ان اشتريته بـ7 مليون وعملتله اعارة للسعوديه ب100 مليون واخذ زيهم وكسبت فيه مبلغ كبير، ركز معايا ياكهربا انت وابوك”.
واوضخ: “العقوبة الاولى تنتهي لو دفع خلال الـ6 الشهور، الجديد ولانك مش واثق في الاسطورة، خاطبت انت الفيفا”.
واردف مرتضى:” كهربا ببلعب في الزمالك راح المنتخب وبقى مليونير والدنيا بقت قدامك منوره، هل سحليه مشيت على رجله وهو نايم قالتله روح الاهلي ولا حد كلمه منهم، وخلع وراح يلعب في نادي برتغالي واول مره اشوف عقد كده يلعب اسبوع وافسخ عقدي بعد اسبوع ده عند ام ترتر ياخطيب، عملت كوبري واخدته دي اخلاقيات الاهلي لو صالح سليم عمره مايعمل كده انت دمرت دولاب المبادئ كله”.
واشار:” لان الادارة خانته، فكهربا بعت للفيفا جواب العقوبه هتخلص يوم12 يناير ينفع العب، لانه الاهلي مش عاوزه، مره يقولوا مش هندفع علشان مرتضى ميجبش صفقات، لامندفعش علشان في حجز على الارصده ببماطلوا الولد، القرار الجديد اعطاك درس انت والخطيب وشبانه وابو المعاطي وشوبير”.
واكمل مرتضى: “القرار قاله هتدفع2 مليون دولار كاملين ومش النص، وقاله الاول انت واخد 6شهور لودفعت في اي وقت الايقاف يترفع افهم يالا، القرار الجديد لومدفعتش في الميعاد هتتوقف سنه ونصف 3 فترات، ولو دفعت خلالهم لا خلاص هتتوقف ولودفعت اد المبلغ 100 مره هتتوقف السنه ونصف، لان الاول وقفك لان الخصم الزمالك لكن لما مدفعتش استهترت بالمحكمة، والخطيب بيضحك عليك يالا واقسم بالله انت صعبان عليا وانت قد الخطيب 100 مرة”.
واختتم:” الاول تدفع العقوبه تترفع، العقوبه التانيه هتدفع الغرامة و متترفعش عقوبه الابقاف، ألحق نفسك يا ابني، وهوضحلك مثال، حسام اشرف جه جواب عقوبه بـ200 الف دولار لبيب وعصابته مدفعش ولاطعن ولا دفع راحوا وقفوا القيد وجري دفع والايقاف ساري وكده انت اتحديت المحكمة”.
