الغندور: هذا الثلاثي هو من يختار الحكام لإدارة مباريات الدوري.. والفيفا صدمت كلاتنبرج!!

أكد الإعلامي خالد الغندور، أن مارك كلاتنبرج رئيس لجنة الحكام لم يجتمع مع الحكام منذ شهور، وشدد ان هناك أشخاص آخرون هم من يختارون حكام مباريات الدوري.

وقال الغندور في تصريحات متلفزة عبر قناة الزمالك:” معلومة عندي، كلاتنبرج رجع مصر، ومن5 شهور مشافش الحكام غير يومين فقط، وجاب محاضر دولي سعودي عمل محاضرات للفار وبعدها كل لقاءاته بالزووم”.

وشدد:” اللي بيختار الحكام 3،محمد فاروق لحكام الساحة، والمساعدين ايمن دجيش، وتامر دري بيختار للڤار، اللي بيحصل بيختاروا الاسماء ويبعتوها لكلاننبرج”.

وأضاف الغندور:” الحنفي وبسيوني علشان محسبوش ضربة جراء لاكرم توفيق اتوقفوا، ووائل فرحان اتوقف علشان قال لمحمد عادل مفيش ضربة جزاء لبرونو سافيو”.

واردف:” محمود عاشور شاله من القائمه وحكم العاب صالات واخر شاطئيه، ولكن قائمة الاتحاد الدولي اختاروهم رغم استبعادهم من كلاتنبرج”

وتابع الغندور: “إتحاد الكرة سألوا كلاتنبرج ليه عاشور مبيحكمش،رده كان ان سنه كبير، وعاودوا السؤال هل بسبب غلطه مباراة فاركو والاهلي؟، قالهم لا، بعدها قال هنزله درجه تانيه وبعدها اشوف”.

واختتم:’ احمد عبد العلا مساعد كلاتنبرج هيمشي ويجي مكانه توفيق السيد، ياكابتن جهاد جرشه واحمد الشناوي وسمير عثمان، لما تيجوا تقول هدف الاهلي ده تسلل قولوا الحكم غلط في ايه، علمني هو غلط وحط النقطه كانت المفروض هنا وهو حطها هنا، كفايه فتي ارجوكم واثارة الفتن”.