“انتم ليه بتشتتونا”.. هجوم عنيف من مرتضى منصور على مروجي الشائعات ضد إمام عاشور ولاعبي الفريق
!["انتم ليه بتشتتونا".. هجوم عنيف من مرتضى منصور على مروجي الشائعات ضد إمام عاشور ولاعبي الفريق 1 "انتم ليه بتشتتونا".. هجوم عنيف من مرتضى منصور على مروجي الشائعات ضد إمام عاشور ولاعبي الفريق](https://zamalek.news/wp-content/uploads/2022/12/IMG_٢٠٢٢١٢٠٢_٠١٢١٠٧.jpg)
هاجم المستشار مرتضى منصور رئيس نادي الزمالك، مروجي الشائعات ضد الفريق واللاعبين، وذلك بعد التعادل مع المصري بالدوري.
وقال مرتضى منصور في مداخله هاتفيه ببرنامج زملكاوي عبر قناة الزمالك: “صفحات الزمالك بترمي شائعة ان امام عاشور رايح الاهلي، بقولهم خليك في ناديك، هو في بادرة من إمام انه قعد مع الاهلي ومسك التيشرت بعد الهدف واحتفل وهو زملكاوي هو وعيلته”.
واضاف:” لا عاوزين نطفش إمام، اصل مهيب قال، مهيب ده بتاع سيراميك”.
وشدد مرتضى: “في ناس بتقول رئيس النادي ياترى هيتحبس امتى، انتم ليه عاوزين تشتتونا وبتروجوا الشائعات”.
وواصل:” دول مرتشين مش زملكاويه، لجان العتال وسليمان وهاني شكري وغيرهم لانهم بيدفعوا رسمي لمروجي الشائعات”.
واردف مرتضى: “انا واسرتي ممسوح بكرامتنا الارض، ومحدش بيقرب من الخطيب وعباس، واللي بيحصل في الكرة هيحصل في كل الفرق الاخرى”.
واوضح:” نادي الزمالك نادي كورة، احنا مش سبورتنج ولا جزيرة، بناخد بطولات في ألعاب تانية بس معلش في الآخر احنا نادي كورة، وياما بطولات اتاخدت في كل الالعاب لكن التورياته بتاعتك الكورة”.
واكد مرتضى:” كاد صبري ان ينفذ واذا نفذ مش عاوز حد يزعل، لان الموضوع زايد اوي من الخطيب وممدوح عباس ولجان العتال وشكري وسليمان، هوانا شغال في النادي، انا عندي شغلي اللي مخليني قاعد ومستمر علشان خايف علئ النادي”.
واختتم:”مشيت سنه حسين لبيب جرف الفرق، وحتى مدرب السله راح الاهلي وانس راح الاتحاد، انا زعلان وهطق، انا في رقبتي ناس محتاجه مرتباتهم انا حزين ده مش الزمالك ولا ادارته الكل بيتفرج وكل همهم غرامه كهربا واعتذر للخطيب”.