فتح المستشار مرتضى منصور النار على الإعلامي أحمد شوبير بسبب حديثة عن رحيل زكريا الوردي عن نادي الزمالك.
وكان شوبير قد شكك في رواية الزمالك التي أعلن عنها مرتضى منصور والذي أعلن أن رحيل اللاعب جاء بسبب الأزمة النفسية التي يمر بها بعد مواجهة السوبر أمام الأهلي.
وقال “مرتضى”: “فيه عيل إمبارح قل أدبه على نادي الزمالك، في كلامه على رحيل زكريا الوردي، وعايز أسالة سؤال واقوله أنت مالك ومال الزمالك”
وأشار: “بقوله مرتضى اللى اتبرع بـ 18 مليونا للزمالك قبل كده ورفض فلوس تركي آل شيخ، هل يقبل ياخد عمولة في لاعب جاي فري، وبقوله ليه مش بتتكلم عن ميزانية فرقة الكرة الخاصة بالأهلي السنة اللى فاتت واللى كانت خسائره 199 مليون جنية خسائر”.
وأضاف “مرتضى” في تصريحات لبرنامج “زملكاوي” على قناة “الزمالك”: “بقول لـ شوبير ابنك بياخد 5 ملايين جنيه في الموسم علشان متهاجمش الخطيب وانت مكسور عينك علشان ابنك”.
وتابع: “الـ 5 ملايين بتوع ابنه انا بعتبرهم رشوة عشان ميتكلمش ويهاجم الخطيب، وعايز أعرف فين دور الشركة المتحدة، ومش موسيماني لما مشي خد عقده بالكامل من الأهلي، ومشي علشان قال مصطفى شوبير لا يصلح للعب في مركز الشباب”.
ووجه “مرتضى” رسالته لـ شوبير قائلا: “قولي انت ايه ممكن يكون سبب رحيل زكريا الوردي هل طلع ليه مكالمات جنسية زي حد صاحبنا مش عاتق حد، ولو انت راجل اطلع وقول وبقوله ابنك بياخد ليه 5 ملايين جنية وهو خرم اصلا”.
وواصل “مرتضى” هجومه على “شوبير” قائلا: “لو انت راجل أطلع وقول إن خسائر الكرة في الأهلي 200 مليون جنية في موسم واحد، وفيه جوابين راحو النهاردة لقناة أون تايم بنقلهم يا احنا يا شوبير”.
واختتم “مرتضى”: “بقول لـ شوبير بحذرك تحذير أخير لو جبت سيرة الزمالك تاني هتشوف اللى عمرك ماشفته”.
وكان المستشار مرتضى منصور رئيس نادي الزمالك أعلن أن السبب الرئيسي لرحيل زكريا الوردي هو الحالة النفسية التي يعيشها اللاعب بعد مواجهة السوبر المصري الأخيرة.
