بعد أنباء التفاوض مع اللاعب.. رضا عبدالعال يفتح النار على الأهلي وإمام عاشور
فتح رضا عبدالعال لاعب الأهلي السابق، النار على النادي الأحمر وإمام عاشور نجم الزمالك، وذلك بعد أنباء تفاوض القلعة الحمراء لضم اللاعب، رغم إستمرار عقده مع الفارس الأبيض لمدة موسمين.
وقال رضا عبد العال في تصريحات تليفزيونيه ببرنامج اللعيب عبر قناة إم بي سي مصر: “مع كل الاحترام هو الاهلي مبياخدش الا لعيبه الزمالك، اخدت كهربا وقبلهم طارق السعيد وغيره، ماتطلع انت نجوم”.
واضاف:” الزمالك لما تفاوض مع عبدالله السعيد لانه عمله نادره، لكن وامام عاشور زيه زي اي حد،لما اجيب لاعب يكون سوبر ستار وعنده حلول مثل ساسي وبن شرقي، ودول اللي يتزعل عليهم”.
وشدد عبد العال:” سؤال اجدد لإمام ليه دلوقتي وعقده لسه في سنتين، انهي السنه الاولى وبعدين اتكلم في التجديد، هوعمل ايه اخد دوري وكاس؟، هات دورين وكاسين تلاته وافريقيا، وقول انا اهو ولما تجي تمشي يبقى عندك حق لومجددش بالشروط اللي انت عاوزها، ايه المشكله ان اجيب دوري وكاس”.
وتابع: “لمايكون نجم في الزمالك ليه اروح الاهلي الا لما عقده يخلص ومحدش قالي تجدد، والمفروض يكون مفيش تجديد قبل الـ6شهور من حقك تقول شروطي كذا وتطلب اللي انت عاوزه”.
واوضح عبد العال:” شيكابالا وايمن حفني ومصطفى فتحي كان عقودهم صغيره، وهم دول اللي بيصنعوا الفارق، وعقد إمام صغير لان هوكان حد يعرفه وفت ماتعاقد معه الزمالك”.
وواصل:” عقد زيزو اتعدل علشان هو بيجيب اهداف وبيصنع وهو عمله نادرة وطبيعي يكون عقده اعلى، هل تجيب مثلا مبابي زي اي حد في فرنسا، وانا لوموجود في الزمالك لاهجدد عقد إمام ولاهزوده إلا لمايجي دوره، انت محتاج لعيبه في يناير لما تتعاقد معهم، ويجي دورك تاخد اللي انت عاوزه وتكون واقف علي رجلك”.
واشار:” زيزو مختلف لانه له سنتين مقدم مستوى جيد وله الحق يجدد باللي عاوزه لانه اساسي في المنتخب لكن امام مش اساسي”.
واختتم: “زيزو بيقعد علشان صلاح، لكن طارق حامد بيلعب على امام عاشور، ولو هو ضليع يلعب على اي حد، سواء باك رايت او ديفندر، هو متميز في الظهير اليمين وكرته اعلى من اكرم توفيق”.
