كشف المستشار مرتضى منصور رئيس نادي الزمالك، تفاصيل عقد الرعايه الجديد للفارس الأبيض بعد توقيع العقود مع الشركة المتحدة.
وقال مرتضى منصور في تصريحات تليفزيونيه عبر قناة الزمالك:” عملنا البث قبل كده واخدنا فلوس ووصلنا مكافأة الدوري والكأس معندناش مشكله في البث”.
واضاف:” الرعايه تم الاتفاق ووقعنا 4 سنين في5 او6 رعاة ومنهم راعي واحد بيساوي كل الرعايه الموسم اللي فات”.
وشدد مرتضى: “بطمن الجمهور هيكون عقد محترم يليق بالزمالك ورعاه يليقوا بالزمالك، ونشكر الشركة المتحده وعلاقتنا بها قناة ورعايه”.
واوضح:” مش كل اللي اتقال على ارقام رعايه للانديه الاخرى غير صحيح، وممكن اقول في مليارات وتيجي الاجهزه الرقابيه تحاسبني، وعملنا عقد يليق بالزمالك واطمنوا”.
واشار مرتضى: “عقد الرعايه مدته 4 سنين وبعد سنتين في تفاوض اخر”.
وتابع:” نتمنى الاستجابه لرغبتي في الغاء الفقره التحكيميه واشتكينا شويير للشركه المتحدة وهم عندهم قرارتهم”.
واختتم: “جميع لاعبي الزمالك هيكون عندهم مقابلات مع اون تايم سبورتس مفيش مشكله خلاص وربنا يوفق نادينا”.
ومن جانبه قال سيف الوزيري رئيس الشركة المتحدة:” مكنش عندنا مشكله في التفاوض، ووصلنا للاتفاق والمفاوضات كانت لمصلحه الزمالك ومبروك”.
