شن الإعلامي خالد الغندور، هجوم ضاري على التونسي علي العباسي، محامي الهارب محمود كهربا لاعب الأهلي، وكذلك الإعلام، بعد التصريحات المستفزه لنادي الزمالك بشأن غرامة الهارب.
وقال الغندورفي تصريحات متلفزة ببرنامج زملكاوي عبر قناة الزمالك:”علي العباسي محامي كهربا بيكلم كأن الزمالك خسر القضية وقال ان الفارس الابيض طلب 11 واتحكم له ب2 مليون بس”.
وشدد:” مفيش رغبه عند الاهلي ان كهربا يلعب ولو كان في نيه للدفع كان دفع والدولاربـ15 والغرامه كلها 30 مليون”.
إقرأ ايضا.. بعد التوقيع الرسمي.. مرتضى منصور يكشف تفاصيل عقد رعايه الزمالك الجديد
واضاف الغندور: “لو يوم 11 جه ولعب كهربا زي ما محاميه بيقول وظهر بشكل كويس، هيبقى في ضغط لازم يلعب والاهلي يدفع، و بنسمع ان في لاعب هيجي بمليون و700 الف دولار وسافيو جه بمليون و500 الف دولار لكن كهربا كارت محروق عند الاهلي اخر ماتش لعبه في الدوري التركي في مايو”.
وتابع:” لكل الاعلاميين الزمالك كسب القضيه ومش هتخسروه القضيه، كهربا لعب سنه في الاهلي وببطاقه مؤقته وتركيا الزمالك ولافرق معاه يلعب ميلعبش هو خلاص اتغرم وربنا اراد ان الدولار اضاعف”.
وواصل الغندور: “محاميه بيقول دول 2 مليون دولار مدفعتش ليه؟ مانت جامد اهو، لما اتحسبلك بـ2 مليون وكان وقتها ب15 جنيه واستنيوا ليه لما اضاعف الدولار والغرامه وصلت لاكثر من60 مليون جنيه”.
واشار:” كهربا هيلعب يوم12 وهيتوقف تاني، هو الفلوس بتقل ولابتزيد؟، هي الفوايد بتقل ولا بتزيد؟ كل تأخيره بدولار، وحسب الحكم الزمالك لازم ياخد الغرامه بالدولار”.
واستكمل: “ياعلاميين يامحترمين كهربا مش من حقه يرفع اي قضيه ثانيه، والوقت بيعدي والحسابه بتحسب، وكل تأخيره فيها دولار زياده، وكده كده هتدفع لوحد عاوز كهربايلعب يدفعله”.
واسترسل الغندور: ” تحدثت مع امير وقالي احنا لانستطيع نخاطب الفيفا انه مدفعش لان لسه قدامه وقت يدفع فيه لحد يوم11 يناير، بعدها الزمالك يخطر الفيفا بان اللاعب اخد مهله 45 يوم ومدفعش واتوقف 6 شهور مدفعش”.
واوضح: “علي العباسي لو شايف ان ده القانون استفسر ليه انه يلعب يوم 11يناير، لازم جواب رسمي من الفيفا يخطرهم فيه ان كهربا يلعب، العباسي نفسه مش واثق كهربا والمحامي هما اللي بيتحركوا الاهلي ولافارق معه”
واكد الغندور: “قال والله كهربا معه فلوس بس مش هيدفعها علشان الزمالك ميجش صفقات، والله كهربا هيدفع بس مش دلوقتي، ولله كهربا ماهيدفع لان مفيش معه ومحاميه قال عاوزين نقسط”.
واختتم:” قضية كهربا انسوها الزمالك انتصر انتصار بين وكبير على ناس كتير اوي، وكانت راي عام، وقالوا الزمالك مزور العقد”.
