حرص طارق يحيى مقدم برنامج زملكاوي، على توجيه رساله ناريه للبرتغالي جيسفالدو فيريرا المدير الفني للزمالك، وذلك بسبب اداء الفريق خلال مباراة المقاولون
وقال طارق يحيى في تصريحات تليفزيونيه عبر برنامج زملكاوي عبر قناة الزمالك: انتهت مباراة الزمالك والمقاولون بالتعادل، بالتأكيد الجماهير غاضبه وزعلانه على فقدان نقطتين خاصة في ظل تعادل المنافس”.
واضاف:” لوكان الزمالك كسب كنا هنتصدر الدوري، فزعلي اكثر على التعادل، لكن ليه المباراة خرجت تعادل، المنظومة داخل الزمالك النتيجه لها سلبيه، ولابد ان حضراتكم تعلموا ذلك”.
وشدد يحيى:” هناك بعض الافكار الفنيه لاتعجب الجماهير، انا مش هاذوق الكلام ولاهحبك اكتر من الزمالك، كان في قرارات فنيه عليها علامات استفهام درونا نناقش وننبه القائمين على الكرة بالزمالك، ونعرف الجمهور ان هناك امور فنيه خاطئه وليس معناه الهجوم على فيريرا”.
وواصل: “كلنا نحب الزمالك ولديه جماهير بالملايين، والاهلي تعادل فنص العمى ولا العمى كله، احنا بنكابر ليه؟، المصلحه العامه هي الاهم واعمل ايه، العب بتشكيل المباراة الماضية ليه مبداتش كده واخلص المباراة وادور على الحاجات التانيه”.
وتابع يحيى:” هنكابر ونعاند في ايه، انا زعلان وبنتقد ومش بهدم المعبد ابدا، اغير في خط الهجوم ونص الملعب ليه؟، ليه مشتغلش بدونجا والسيسي امامهم عاشور، ليه انا بعمل حاجه غير طبيعيه واضيع 60 دقيقه من المباراة”.
واردف: “عندنا مجموعه لعيبه تحل اي مشكلة، طب انا لااستعين بها ليه؟، وبكرر مش هحبك اكتر من الزمالك، ومحدش يقولي خط احمر ولااصفر، السنه اللي فاتت كنا بنطبل ونزمر لفكر الرجل، لمصلحة مين اعاند واكابر في حاجات طبيعيه، فين سامسون وادي انطباع جيد اول مباراة ليه افطسه”.
واكمل:” يوسف حسن لاعب جيد وكنت هضمه للزمالك من سنتين، ولكن عندي لاعب منتخب تونس حتى لومبيلعبش معهم ولعب كل التصفيات لما لاقي لاعب صغير بيلعب عليه هزعل”.
واوضح يحيى: “لازم نفكر للمصلحه العامه، بوجه رسائل مباشره لفيريرا عاوزين نصحح بعض الاخطاء علشان نلحق نفسنا ونمنح اللعيبه فرصه، ومش مطلوب نحط حاجات تبدو للجمهور غامضه، الجماهير زعلانه جدا بسبب التشكيل عملتها مره ومنجحتش لازم يكون في مرونه بالتفكير علشان منروحش لحته اوحش”.
واختتم:” محدش يزعل مني، انا بتكلم للمصلحة العامه مش عاوز حاجه، انا صوت الجمهور، الناس زعلانه عندي لعيبه كويسه ومش قادر استغلها، فيريرا استاذ لكن بيعمل حاجات ضد الطبيعيه اتمنى يتدارك كل الامور ونشتغل طبيعي”.
