علق المستشار مرتضى منصور رئيس نادي الزمالك على فوز الفريق الأول لكرة القدم في النادي على نظيره الإسماعيلي بثلاثة أهداف في المباراة التي جمعت الفريقين مساء الخميس.
وقال “مرتضى”:”الحمدلله جبر الخواطر كبير عند ربنا، وانا عملت فيديو للرد على كلام المحامي التونسي اللي جابه شوبير الحديث عن استمرار عقوبة كهربا”.
وأشار :”بشكر الجهاز الفني والجماهير المحترمه،و بقول للعيال الأغبيا اللي بيقولوا يارب ميدو يفوز على الزمالك، عمركم ما كنتم زملكاويه انتم مأجورين قولنا هنكسب ونتغلب وتتعادل”.
وأضاف “مرتضى” في تصريحات لقناة “الزمالك”:”بحمد ربنا على النتيجه وهاردلك للإسماعيلي و لـ ميدو وبقوله عندك لعيبة محترمه، وبعطي درس للاسطورة المزيفة “الخطيب” لأني قولت باهر المحمدي وعبد الرحمن مجدي لن ينضما لنادي الزمالك مراعاة لظروف فريقهم”.
وتابع :”بحيي الجهاز الفني وربنا يهدي فيريرا وشوف لما كل حاجه في مكانها الجماهير طايره بيه، واحنا بنساعده ونسانده واللي كانوا بيهاجموا أمير اهي الصفقات مش دونجا والزناري وسامسون وعمرو السيسي دول الصفقات الجديد”
ووجه “مرتضى” حديثه للإعلامي أحمد شوبير قائلا:”بشكر الشركة الراعية لانهم بيحققوا مع شوبير واعطوه انذار لو قلت الزمالك تانى هتبقى بره، وبقول لجمهور الاهلي العظيم انتم جمهور محترم فوقتوا متاخر و عرفتوا ان الخطيب أسطورة مزيفة”.
وأوضح “مرتضى” :”الشركة المتحدة طلبوا اننا نرد عليه، لكن شوبير بيشاهدوا كام واحد ولكن احنا بنرد في قناتنا اللي يشاهدها ملايين، وفي قضيه مرفوعة ضد شوبير قناة شبانه”.
