خالد الغندور يفتح النار على كلانتبرج بسبب إختيار الحكام والحالات التحكيمية المُثيرة للجدل
فتح الإعلامي خالد الغندور النار على مارك كلاتنبرج رئيس لجنة الحكام المصريه بسبب إختيار الحكام للزمالك والحالات التحكيمية المثيرة للجدل، وشدد انه يشعر ان هناك توجه ضد الفارس الأبيض.
وقال خالد الغندور في تصريحات تليفزيونيه ببرنامج زملكاوي عبر قناة الزمالك: “الزمالك لديه مباراة مهمة جدا وصعبة أمام طلائع الجيش الذي خسر من الأهلي، بركلة جزاء غير صحيحه”.
واضاف:” بكره احمد الغندور هو حكم مباراة الزمالك اللي لسه لاغي هدف صحيح للزمالك امام المصري حينما كان حكم ڤار ولم يتم ايقافه ولا حاجه، في الوقت ان محمد عادل بيتم مكافأته بسبب ضربة جزاء الأهلي، وهقولكم مفاحاة تم ايقاف وائل فرحان اللي كان هيكون حكم ساحه يوم الخميس واخطروه بالايقاف”.
وشدد الغندور:” كلاتنبرج بياخد 30 او40 الف دولار وزيهم من اليونان وراح حلل كأس العالم وبياخد70 الف دولار، هو كان موجود في السعوديه وحصل لغط كبير بسببه في الاتحاد السعودي ورحل”.
وواصل: “كلاتنبرج عنده توجه، وحالات بيجيبها حسب الشعبيه، وده كلام الحكام وبيدي تعليمات مش اي كرة تنحسب، وفي لعبات قويه في نص الملعب بتعدي واقل منها بكتير تنحسب ركلات جزاء، وحاله مشكوك فيها يقول صح لو هي لنادي كبير”.
واردف الغندور:” الزمالك كسب وضربةجزاء لزيزو اللاعب جابه من رقبته وقالك مفيهاش حاجه، ولو لحد تاني كان قال فيها، انما ضربة جزاء الاهلي يقول ايوه وفي توجه غريب، بنتعامل مع الاجنبي انه صح في كل حاجه”.
وزاد:” انا مش عارف ازاي قبلوا ان واحد يشتغل عندي وبياخد دولار ويشتغل في اليونان وبيحلل كأس العالم المهم عنده الدولار، تحس ان تحليله هنا للحالات علشان عاوز يحافظ على الدولار”.
واستطرد الغندور: “كلاتنبرج جاي عارف ايه اللي جرى، الزمالك اخد الدوري موسمين مينفعش ياخد الـ3″.
واوضح:” الزمالك مأجر ملعب والجماهير بتشجع وفي10 كراسي اتكسرت ولا كان في اي اعتداءات ولا اي شغب، لازم اجيب 10 كراسي المتكسرين واقول ايه الفرق بين الشغب والحماس، والزمالك هيتحمل ان الكراسي اتكسرت وهيدفع20 الف فين الشغب؟ “.
واستكمل:” من بداية الموسم الزمالك 3000 تذكرة مرتضى بيبعهم الناحيه الـ2 بياخدو900 دعوه ومحدش بيحضر وكأن تذكرتي بتتوصى بالزمالك وبيردوا على اللي بيكلموا، في توجه عام ان الزمالك مياخدش الدوري الـ3، يقولوا في شغب في عدد جماهير اكبر، وحالات تحكيمية مثيرة للجدل”.
واكد الغندور:” ليه تم استبعاد كلاتنبرج من السعوديه وبياخد دولارت ومش عاجبه وراح قناة بياخد70 الف دولار وبيبعتوا له الحالات يحللها، يكفيني ان الحكام المصريين بدأوا يكلموا وبيتشككوا “.
وأشار:” الحال مش هيستمر كده الفار باظ ولقطات متتصورش وحاجات لاول مره تحصل، اسرع حكم في التاريخ 4 ثواني لا هي كده طيب شوفها لا، لاول مرة في التاريخ ان يكون في اتاحة فرصه بضرية جزاء وحكم يضحك على الناس، ويقول اتاحه الفرصه توصيات مش قانون”.
واختتم: ” التعيبنات غريبه لسه احمد الغندور لاغي هدف للزمالك صحيح في كأس مصر امام المصري وجاي حكم ساحه ماتش الجيش، بقولكم من هنا واحساسي سيبكم من العراقيل والحجز علي النادي الوضع التنافسي مش مبسوط منه التنافس المفروض جوه الملعب، لازم يكون في عدل ولابقول على راسي ريشه”.
