لقن الإعلامي خالد الغندور، نظيره أحمد شوبير درسًا قاسيً، وذلك بعد تصريحات الأخير ومقارنته بين الاصابات المتكرره لبيرسي تاو لاعب الأهلي، و إصابة إبراهيما نداي جناح الزمالك.
وكان شوبير قد قال في تصريحات إذاعية عبر إذاعة اون سبورت:” عشان اللوك لوك الكتير وهيقعدوا يتكلموا عن إصابة بيرسي تاو وجاله مزق اوعى تفتح بوءك لأنك مبتفتحش بوءك عن ابراهيما نداي، عاوز تتكلم ابقى اتكلم عن ابراهيما نداي، وابقى قول بيرسي تاو دي إصابة ملاعب بتحصل لكل اللاعبين متقوليش إصابة مزمنة، فاوعى تتكلم علشان الناس اللي بتنقط في الفرح وبتقعد تتكلم فخلي بالك من كلامك ومن لسانك”.
وقال خالد الغندور في تصريحات تليفزيونيه ببرنامج زملكاوي عبر قناة الزمالك:” انا هتكلم لكن لن اذكر اسماء، احد الاعلامينن الكبار بعد اصابة بيرسي تاو قال الناس اللي بتكلم وتلوكلوك كتير مانداي اتصاب ومحدش يكلم نداي دي اول اصابة له مع الزمالك ولم تتكرر مثل تاو”.
واضاف:” هذا الاعلامي لايعمل في قناة فئويه اوقناة الاهلي بل في قناة عامه واذاعه عامه، وبسأله ماهو الربط بين ابراهيما نداي وتاو، نداي لاعب جديد، واصيب الونش اصيب، وطاهر محمد طاهر وعبد الشافي ومحمود متولي اصيبوا، الاصابات دي بتاعت ربنا”.
وشدد الغندور:” فكرة الربط بين نداي وتاو انا مش فاهمها، في فرق بين اصابه متكرره كل شهر ونص اغيب شهر، معنى كده ان عضلتي فيها مشكله، وكل لما العب تيجي تاني فلازم يتعالج صح، تاو اصيب 5 او6 مرات”.
وتابع: “محدش بيفرح بالاصابة او يتمنى للاعب انه يكون عنده اصابة مزمنه، ارجو من الاعلاميين ميدخلوش الزمالك في جمله مفيده في امر اصابه لاعب الاهلي، لاننا نحزن بسبب اي لاعب”.
وأختتم الغندور:” لكن ان ادخل نداي في القصه امر غريب وعجيب لان الاصابات قدر وبيحصل في اي حتة، انا في قناة الزمالك من حقي ادافع عن النادي لكن من يعمل في قناة عامة ويقارن بين لاعبين بيحصل احتقان بين جمهورين وليه اقارن بين الاصابات”.
