رضا عبد العال يُثير الجدل ويطلق تصريحات غريبه بشأن أحداث مباراة السكه الحديد والترسانه!!

أكد رضا عبد العال لاعب الأهلي السابق، أن ماحدث في مباراة السكة الحديد والترسانه طبيعي اذا حدث ظلم، وشدد ان هناك ملاعب لابد ان تخسر فيها حتى تخرج من الملعب دون ان يمس اللاعبين او الحكم سوء،.

وقال رضا عبد العال في تصريحات تليفزيونيه ببرنامج اللعيب عبر قناة إم بي سي مصر: “الفرق دي بتصرف كتير ولو الحكم عادل هنا وهنا مينفعش اللي حصل، لكن لو في ظلم، ارجع اللي خلاهم ينفعلوا بالشكل ده”.

وشدد:” لو اتحاد الكرة ولجنة الحكام. بتجيب حق الانديه لما بتظلم مش هيحصل حاجه،لما بنحتج ونقدم تظلم بفيديو المباراة الرد بيكون الحكم صفر هعملك ايه؟ “.

واضاف عبد العال:” انت كده خَسرت الترسانه 2-0،انا بتكلم ان اي حد بيعمل ده بيكون خرج من هدومه وده مبرر”.

وواصل: “نشوف ركله الجزاء الأول وبعدين نحكم هل من حقهم ينفعلوا او لا”.

واختتم:” الناس صارفه وبتنافس وتقدم احتجاج لإتحاد الكرة وبياخدوا الفلوس ويقولك المباراة انتهت، واتكوينا من الظروف دي في الدرجه التانيه كتير، كنا بنروح ملاعب معينه علشان تخرج سليم اتت والحكم لازم تخسر”.

وشهدت مباراة السكه الحديد والترسانه بالدرجه الثانية احتساب الحكم محمود دسوقي ركلة جزاء للسكه الحديد واعترض مسئولو الشواكيش ونزلوا الى ارض الملعب وتم الإعتداء على الحكم وبعدها تم إلغاء المباراة بعد التعدي عليه، وكان الشواكيش يتقدم بهدف.